Þingmenn Bjartrar framtíðar ætla að leggja til á sumarþinginu þingsályktunartillögu þess efnis að farið verði í þjóðaratkvæði innan árs um það hvort halda skuli aðildarviðræðunum við Evrópusambandið áfram. Þetta kom fram í ræðu Guðmundar Steingrímssonar, formanns Bjartrar framtíðar, á Alþingi í kvöld.

„Nú á að gera hlé en það er óljóst hvað á að gera svo. Við í Bjartri framtíð viljum mjög eindregið ljúka þessum viðræðum og leggja fullbúið plagg til samþykktar eða synjunar fyrir þjóðina í þjóðaratkvæðagreiðslu,“ sagði Guðmundur og bætti við: „Við viljum höggva á þennan hnút sem er núna kominn einhvern veginn upp í þessum málum. Við ætlum því að leggja til, núna á sumarþingi, með þingsályktunartillögu að farið verði í þjóðaratkvæði innan árs um það hvort halda skuli viðræðunum áfram.“

Þá sagði Guðmundur að ein ástæða þess að Ísland væri ennþá í þessum viðræðum væri sú að margir teldu að þjóðin myndi njóta góðs af því að taka upp Evru sem gjaldmiðil, þ.e. að taka upp stöðugri gjaldmiðil.

Tengdar fréttir

Stefnuræða forsætisráðherra

Hægt að reisa lífskjörin við

• Boðar sátt um kjör og umhverfismál
• Mikil tímamót í pólitíkinni
• Fjármálaráðuneytið allt eins óþarft
• Hefði betur lagt við hlustir

» Fleiri tengdar fréttir

• 5 blogg um fréttina

Bloggað um fréttina

• Ívar Pálsson: Brandari framtíðar
• Gunnar Heiðarsson: Með skít í eyrum og stýrur í augum
• Óðinn Þórisson: ESB - kosning samhliða Sveitarstjórnarkosningum
• Jóhann Elíasson: HVAÐ HEFUR BREYST???????
• Páll Vilhjálmsson: Forsætisráðherra með skýra afstöðu í ESB-málinu