Lögreglan er enn að leita að Stefáni Loga Sívarssyni, 31 árs gömlum Reykvíkingi, sem grunaður er um frelsissviptingu og líkamsárás á Stokkseyri. Fjöldi lögreglumanna tekur þátt í leitinni, bæði í Reykjavík, fyrir austan fjall og víðar.

Lögreglan hóf rannsókn málsins eftir að karlmaður gaf sig fram við lögreglu, en hann sagði að sér hefði verið haldið föngnum í húsi á Stokkseyri í langan tíma. Talið er að maðurinn hafi verið beittur mjög grófu ofbeldi.

Lögreglan handtók í gær tvo menn við Laugarvatn, en þeir eru grunaðir um að hafa tekið þátt í að svipta manninn frelsi. Þeir hafa verið í yfirheyrslum hjá lögreglu í dag.

Talið er að mennirnir tveir og Stefán hafi svipt manninn frelsi sínu í Reykjavík og farið með hann á Stokkseyri. Maðurinn sætti því frelsissviptingu í meira en sólarhring.

Ekkert er vitað um hvar Stefán Logi heldur sig, en hann hefur verið dæmdur fyrir alvarlegar líkamsárásir. Leit lögreglu að honum í gær var mjög umfangsmikil, en m.a. voru bílar á Suðurlandi stöðvaðir.

Frétt mbl.is: Umfangsmikil leit í Árnessýslu

Frétt mbl.is: Tveir handteknir við Laugavatn

Tengdar fréttir

Stefán Logi Sívarsson

Beittu skærum og rafmagnsbyssu

• Dæmdur fyrir árás á Stefán Loga
• Neitar að hafa ráðist á Stefán Loga
• Uppeldissaga bræðranna dapurleg
• Stefán Logi krefst 7 milljóna

» Fleiri tengdar fréttir

• Blogga um frétt