Nýlega samþykkti borgarráð tillögur byggingarfulltrúa um að setja húsnúmar á sögufrægar byggingar í miðborg Reykjavíkur.
Stjórnarráðshúsið er nú tölusett sem Lækjargata 1, Menntaskólinn í Reykjavík fær númerið Lækjargata 5 og bókhlaðan Íþaka fær númerið 5A. Þetta er í fyrsta sinn sem þessar sögufrægu byggingar fá opinbert húsnúmer, að því er fram kemur í Morgunblaðinu í dag.
Stjórnarráðið var byggt í kringum 1770 og það hefur gengið undir ýmsum nöfnum í gegnum tíðina t.d. Tukthúsið, Múrinn, Kóngsgarður, Stiftamtmannshús og landshöfðingjahús.