Meira en helmingur íslenskra fanga í fangelsum á Íslandi telur sig glíma við þunglyndi og um þriðjungur þeirra segist hafa reynt að fremja sjálfsvíg á ævinni.
Þetta er meðal þess sem kemur fram í rannsókn Boga Ragnarssonar, doktorsnema í félagsfræði við Háskóla Íslands, en um hana er fjallað í Morgunblaðinu í dag.
Geðlæknir sem starfaði á Litla-Hrauni telur að betur megi standa að geðheilbrigðisþjónustu á Litla-Hrauni þar sem stærstur hluti fanga á Íslandi er vistaður.