Talið er að tugir grindhvala hafi drepist í fjörunni í Rifi á Snæfellsnesi í gærkvöldi en mikill fjöldi hvala synti á land við höfnina um sexleytið í gærkvöldi. Tugir grindhvala syntu einnig inn í höfnina en ekki er vitað hvað olli því að hvalirnir komu að landi í Rifi.

Heimamenn skáru stóran hluta af þeim hvölum sem drápust í gærkvöldi þrátt fyrir að veðrið hefði verið snarvitlaust á þessum slóðum.

Ekki er vitað nákvæmlega hversu margir hvalirnir voru enda erfitt að athafna sig í veðurofsanum sem reið yfir landið vestanvert í gærkvöldi.

Grindhvalir hafa áður synt á land í Rifi en menn rekur ekki minni til að þeir hafi komið í jafn stórum hópum og í gærkvöldi inn í sjálfa höfnina.

Meðfylgjandi myndskeið er frá fréttaritara mbl.is, Alfonsi Finnssyni, en hann fylgdist með hvölunum í gærkvöldi og hvalskurði heimamanna.

Tengdar fréttir

Grindhvalavaða á Snæfellsnesi

Kæra ekki vegna aflífunar

• Grindhvalurinn gæti verið mengaður
• Hvalshræin að öllum líkindum urðuð
• Verklagsreglum ekki fylgt
• Ræðismaður náði sér í hvalkjöt

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Sannkallaður hvalreki