Rannsaka meint ólögmætt samráð
Setja bókamerki
Samkeppniseftirlitið hefur í dag framkvæmt húsleit hjá Eimskipafélagi Íslands hf., Samskipum hf. og tilteknum dótturfélögum þessara fyrirtækja.
Aðgerðirnar eru liður í rannsókn sem ætlað er að varpa ljósi á hvort vísbendingar um ólögmætt samráð fyrirtækjanna og hugsanlega misnotkun á markaðsráðandi stöðu eigi við rök að styðjast, að því er fram kemur í tilkynningu frá Samkeppniseftirlitinu.
Til húsleitanna var aflað úrskurða frá héraðsdómi Reykjavíkur.
Á þessu stigi gefur Samkeppniseftirlitið ekki frekari upplýsingar um rannsóknina.
Eimskip segir að Samkeppniseftirlitinu hafi verið veitt heimild til húsleitar á starfstöðvum Eimskipafélags Íslands hf. og hjá dótturfélögunum Eimskip Ísland ehf. og TVG Zimsen ehf. Húsleitin hafi verið gerð vegna rannsóknar á ætluðum brotum á 10. og 11. gr. samkeppnislaga.
Afla gagna í samráði við Samkeppniseftirlitið
Fram kemur í tilkynningu frá Samskip, að starfsmenn Samkeppniseftirlitsins hafi mætt í morgun í höfuðstöðvar Samskipa í Reykjavík og lagt fram heimild til húsleitar.
„Starfsfólk Samskipa vinnur nú að því að afla umbeðinna gagna í fullu samráði við starfsmenn eftirlitsins.
Ekki liggur fyrir hversu langan tíma aðgerðin mun taka, en stjórnendur og starfsfólk Samskipa leggja áherslu á gott samstarf við Samkeppniseftirlitið,“ segir í tilkynningunni.
Húsleit hjá Eimskip og Samskipum
„Við eigum hvergi heimili“
50% fjölgun kærumála og aukið álag
Vorum kannski ekki bara „hrópandi í eyðimörkinni“
Hafa náð tökum á eldinum
Forsetafylgismenn dregnir í dilka
Ráðherra um árshátíðina: „Hljómar frekar hátt“
Fækka nefndum og auka eftirlit með styrkjum