„Hún bara gafst upp og fór“

Fjölskyldan hefur lengi barist fyrir dvalarleyfi fyrir Romylyn. Frá vinstri: ...
Fjölskyldan hefur lengi barist fyrir dvalarleyfi fyrir Romylyn. Frá vinstri: Romylyn Patti Fagaine, Ellert Högni Jónsson, Una Margrét Ellertsdóttir og Marilyn Sucgang Faigane.

„Hún bara gafst upp og fór,“ segir Ellert Högni Jónsson, fósturfaðir Romylyn Patty Faigane, filippseyskrar stúlku sem fór úr landi fyrir helgi. Hann hefur barist í átta ár fyrir því að hún fengi dvalarleyfi hér á landi. Þrjár umsóknir hafa farið í gegnum kerfið og nú bendir Útlendingastofnun þeim á að senda inn nýja umsókn, m.a. vegna þess að fyrirliggjandi pappírar séu orðnir of gamlir.

Móðir stúlkunnar, Marylyn, giftist Ellerti fyrir átta árum og flutti hingað til lands. Romylyn varð hins vegar eftir hjá afa sínum á Filippseyjum. Ellert og Marylyn sóttu fljótlega um dvalarleyfi fyrir Romylyn, sem þá var 14 ára. Umsókninni var hafnað átta mánuðum síðar með þeim rökum að faðir Romylyn væri á lífi og gæti séð um hana. Faðirinn hafði hins vegar aldrei skipt sér af dóttur sinni.

Ráðuneytið var 14 mánuði að afgreiða kæru

Faðir Romylyn var myrtur árið 2009 og þá var aftur sótt um dvalarleyfi. Átján mánuði tók að afgreiða þá umsókn, en henni var svarað stuttu eftir að hún varð 18 ára. Þar með var ekki lengur verið að afgreiða umsókn frá foreldrum ólögráða barns, en í svarbréfinu var henni bent á að sækja um dvalarleyfi sem nemandi eða sérfræðingur.

Í desember 2011 kom Romylyn til landsins sem ferðamaður, sem þýddi að hún mátti vera þrjá mánuði í landinu. Aftur var sótt um dvalarleyfi. Útlendingastofnun hafnaði umsókninni, en sú niðurstaða var kærð til innanríkisráðuneytisins. Það tók ráðuneytið 14 mánuði að afgreiða umsóknina.

Varð fyrir vonbrigðum með afgreiðslu Ögmundar

„Hún var búin að vera hér í tvö ár í lausu lofti. Hún gat ekkert gert, mátti ekki vinna og gat ekkert gert fyrir sjálfa sig. Hún var eins og í fangelsi.

Við vorum alltaf að bíða eftir svari. Ég var búinn að ræða þetta oft símleiðis við Ögmund Jónasson, fyrrverandi innanríkisráðherra. Hann var alltaf að skoða málið og lofaði að þetta yrði afgreitt. Hann sagði rétt fyrir kosningar að hann myndi kippa þessu í liðinn á mánudaginn. Sá mánudagur er ekki kominn enn,“ segir Ellert. Hann segist hafa orðið fyrir miklum vonbrigðum með hvernig Ögmundur hélt á málinu. Hann hafi gefið til kynna að málið yrði afgreitt en ekki staðið við það.

Ellert óskaði eftir viðtali við nýjan innanríkisráðherra, Hönnu Birnu Kristjánsdóttur, eftir að hún tók við. „Hún veitti mér viðtal. Hún er fyrsti ráðherrann sem ég hitti augliti til auglitis í þessari átta ára baráttu, en þrír ráðherrar hafa haft með þetta mál að gera á þessu tímabili. Hún byrjaði á að biðja mig afsökunar á því að ráðuneytið væri ekki búið að afgreiða umsóknina, en málið hafði þá verið í innanríkisráðuneytinu í 14 mánuði. Hún sagði að ráðuneytið myndi svara bréfinu innan viku. Ég bað hana að höggva á þennan hnút, en hún sagðist ekki hafa vald til þess að gera það,“ segir Ellert sem er ekki sáttur við þau svör að ráðherra geti ekki beitt sér gagnvart Útlendingastofnun.

Keypti flugmiða eftir að hún fékk bréfið frá Útlendingastofnun

Bréf barst frá innanríkisráðuneytinu viku eftir að Ellert átti fund með Hönnu Birnu. Útlendingastofnun hafði neitað að afgreiða umsókn Romylyn vegna þess að hún dveldist ólöglega hér á landi. Innanríkisráðuneytið komst hins vegar að þeirri niðurstöðu að stofnuninni bæri að taka umsóknina til umfjöllunar. Tekið er fram að henni sé heimilt að vera á landinu meðan umsókn hennar er til afgreiðslu.

„Það sem Útlendingastofnun gerði síðan var að opna umsókn hennar, loka henni aftur og senda síðan bréf, en í því er okkur bent á að sækja um dvalarleyfi að nýju. Málið er því enn og aftur komið á byrjunarreit. Þeir eru að fara fram á að við sækjum um dvalarleyfi í fjórða sinn.

Þegar Romylyn fékk þetta bréf fór hún og keypti sér farmiða til Filippseyja og lét okkur vita sex tímum áður en hún átti að leggja af stað að hún væri að fara frá okkur. Hún sagðist vera búin að gefast upp.

Ég skil að mörgu leyti afstöðu hennar. Við vitum að þetta bréf þýðir að hún þarf að vera í óvissu í 6-8 mánuði til viðbótar. Hún treysti sér ekki til að vera lengur í þessari óvissu, óvissu sem er ekkert annað en fangelsi.“

„Það er búið að gráta mikið á þessu heimili“

Ellert og Marylyn hafa séð um Romylyn meðan hún var hér á landi og raunar hafði Marylyn sent henni peninga út allt frá því að hún fór frá Filippseyjum fyrir átta árum. Ellert segir að Romylyn hafi lagt til hliðar af vasapeningum sem hún fékk og hún hafi því átt fyrir flugmiðanum. Þau létu hana síðan hafa gjaldeyri áður en hún fór út.

„Það er búið að gráta mikið á þessu heimili síðan hún fór. Romylyn á átta ára systur sem er auðvitað í áfalli eins og við öll,“ segir Ellert. „Ég óttast að ef þetta mál leysist ekki fljótlega munum við týna henni.“

Ellert segir að það sé mjög slæmt ástand á Filippseyjum núna og þar sé enga vinnu að hafa.

Ellert segist núna vera að fara yfir stöðu málsins. Hann hafi fengið góða aðstoð frá Mannréttindastofu. Hann útilokar ekki að fara í dómsmál vegna þess hvernig stjórnvöld hafi staðið að málum.

Ellert bendir á að samkvæmt lögum hafi stjórnvöld sex mánuði að afgreiða umsóknir. Fyrsta umsóknin hafi verið afgreidd á átta mánuðum, næsta á 18 mánuðum og sú þriðja á 14 mánuðum. „Nú er okkur sagt að þau vottorð sem við höfum lagt fram séu orðin of gömul og við verðum að útvega ný. Ég spyr: Eigum við að þurfa að bera skaðann af þeim töfum sem hafa orðið á afgreiðslu málsins í kerfinu?“

Biður aftur um fæðingarvottorð

Samkvæmt nýjasta bréfi Útlendingastofnunar þarf Romylyn að leggja fram margvíslega pappíra. „Þeir óska m.a. eftir að við sendum inn fæðingarvottorð að nýju og það er eins og þeir haldi að fæðingarvottorðið hafi eitthvað breyst. Þeir báðu um sakavottorð, en þeir eru með það í höndunum. Lögreglustjóraembættið hér getur ekki gefið út sakavottorð vegna þess að hún er ekki komin með kennitölu. Síðan er beðið um vottorð frá félagsmálastofnun Filippseyja um að hún sé ekki gift og eigi ekki barn. Útlendingastofnun er með alla þessa pappíra.

Þá er farið fram á dánarvottorð pabba hennar. Ég skil ekki hvað það kemur málinu við. Hún er að sækja um sem 22 ára gamall einstaklingur. Hvaða máli skiptir dánarvottorð föður hennar? Þar fyrir utan er stofnunin með dánarvottorð mannsins.“

Ellert segist vera búinn að leggja á sig mikla vinnu og útgjöld við að útvega þau vottorð sem beðið var um. Össur Skarphéðinsson utanríkisráðherra hafi aðstoðað þau með að koma á tengslum við konsúl Íslands á Filippseyjum, sem hafi gengið í það að útvega umbeðin vottorð og þau hafi verið send með DHL til Íslands.

Mætir tortryggni hjá Útlendingastofnun

Ellert segist alla tíð hafa mætt mikilli tortryggni í Útlendingastofnun. Starfsmenn stofnunarinnar hafi m.a. tortryggt hvað hann hafi verið fljótur að skila umbeðnum gögnum og jafnvel gefið í skyn að hann hafi falsað þau. Stofnunin hafi meira að segja gefið til kynna að það sé ósannað að Marylyn sé móðir Romylyn. Samt hafi starfsmenn stofnunarinnar aldrei óskað eftir að tekin yrðu DNA-sýni úr mæðgunum.

Ellert segir að það hafi verið tortryggt að á fæðingarvottorðinu stóð fyrir mistök ættarnafnið „Faegane“ en ekki „Faigane“. Stofnunin sem gaf út vottorðið leiðrétti þessi mistök síðar bréflega. Eins hafi verið tortryggt að á dánarvottorði föður Romylyn hafi staðið Romy Castillo en ekki Romeo Castillo, en Romy var gælunafn hans.

„Forstjóri Útlendingastofnunar gekk svo langt, þegar hann ræddi við okkur um hvaða leiðir væru færar, að nefna þá leið að gifta stúlkuna, því þá yrði hún ekki send út landi. Hún sagði þetta við okkur, en bætti við að hún gæti ekki mælt með þessari leið.

Það kemur auðvitað ekki til greina að við förum að finna einhvern karl til að giftast henni. Við vonuðumst eftir að hún fengi að byggja upp líf sitt hér á landi, verða ástfangin og skapa sér framtíð hér,“ segir Ellert.

Ögmundur sagði lögreglunni að hafa sig á brott

Ellert segir að Útlendingastofnun hafi hins vegar sigað lögreglunni á þau fyrr á þessu ári eftir að einhver hafði hringt í stofnunina og haldið því fram að þau væru að láta hana giftast. „Það komu lögreglumenn hér inn á gólf til okkar til að forvitnast um Romylyn. Ég hafði strax samband við Ögmund, sem hringdi í lögreglumennina og sagði þeim að hafa sig á brott.“

Ellert segir að koma lögreglumannanna hafi haft slæm áhrif á Romylyn og sjálfsagt ýtt undir þá ákvörðun hennar að fara úr landi.

Segir ekki allar umsóknir fá sömu afgreiðslu

Ellert segir að eitt af því sem gerði það að verkum að Romylyn fylltist vonleysi um að mál hennar fengi farsælan endi hafi verið að hún kynntist stúlku frá Filippseyjum, en mál hennar hafi fengið allt aðra afgreiðslu í kerfinu en hennar umsókn. Móðir hennar kom til landsins fyrir einu ári og fékk dvalarleyfi á mjög skömmum tíma. Hún sótti síðan um dvalarleyfi fyrir dóttur sína, sem er jafnaldri Romylyn. Hún fékk fyrst neitun en stuttu síðar tveggja ára atvinnuleyfi með þeim rökum að hún ætlaði að læra að verða kokkur á Íslandi.

Ellert segir eitthvað bogið við hvernig hægt sé að afgreiða tvö svona lík mál á þann hátt að önnur stúlkan fái dvalarleyfi á skömmum tíma en hin ekki.

Var orðin döpur

Ellert segir að hann og fjölskylda sín hafi rekist á marga veggi á þessum árum síðan Romylyn sótti fyrst um dvalarleyfi. „Eitt af því sem okkur var bent á var að Romylyn gæti farið í háskólanám. Við fórum upp í háskóla og hún ætlaði að taka framhaldsnám, en hún er menntaður öldrunarhjúkrunarfræðingur. Þar fengum við þau svör að það væri best fyrir hana að fara fyrst í íslenskunám hjá Keili. Við gerðum það og hún tók fyrsta hluta námsins. Keilir sendi bréf til Útlendingastofnunar og mælti með því að hún fengi að vera hérna því að hún væri mjög góður námsmaður. Svör Útlendingastofnunar voru hins vegar að það væri ekki tekið mark á þessu námi. Þetta er samt það nám sem útlendingum er bent á að taka.“

Romylyn hafði meðan hún dvaldi hér á landi fengið tilboð um vinnu á hjúkrunarheimilinu Eir, en Ellert segir að hún hafi ekki getað tekið því boði vegna þess að hún var ekki með kennitölu.

Ellert segir að þetta mál allt hafi tekið mikið á fjölskylduna. „Ég er búinn að hafa miklar áhyggjur af Romylyn því ég hef séð hvernig þetta mál hefur farið með hana, hvernig hún hefur smám saman orðið daprari og daprari. Hún sjálf hafði áhyggjur af mér og að þetta mál færi illa með mína heilsu. Það á kannski sinn þátt í að hún ákvað að fara.“

Romylyn Patty Faigane ákvað í síðustu viku að fara heim ...
Romylyn Patty Faigane ákvað í síðustu viku að fara heim til Filippseyja eftir að hún fékk bréf frá Útlendingastofnun um að hún þyrfti að sækja um dvalarleyfi að nýju. Það yrði þá fjórða umsókn hennar.
Þetta er afrit af hluta þeirra vottorða sem Marylyn og ...
Þetta er afrit af hluta þeirra vottorða sem Marylyn og Ellert hafa aflað og sent til Útlendingastofnunar.
Marylyn og Ellert kvöddu Romylyn í síðustu viku.
Marylyn og Ellert kvöddu Romylyn í síðustu viku.
Fæðingarvottorð Romylyn hefur verið sent til Útlendingastofnunar, en nú óskar ...
Fæðingarvottorð Romylyn hefur verið sent til Útlendingastofnunar, en nú óskar stofnunin eftir að vottorðið verði sent stofnunni aftur frá Filippseyjum.
mbl.is

Bloggað um fréttina

Innlent »

Áfram stórhríð og vindur

Í gær, 22:44 Vakin er athygli á því að viðvaranir vegna stórhríðar og vinds eru í gildi fram á morgundaginn en hvassast er austast á landinu, þar sem appelsínugul viðvörun er í gildi. Meira »

„Öll vanskil þurrkuð upp“

Í gær, 21:54 Fráfarandi stjórn Pressunnar hefur sent frá sér yfirlýsingu þar sem samskipti hennar við forsvarsmenn Fjárfestafélagsins Dalsins eru rakin. Í henni er vísað á bug þeim ávirðingum sem bornar voru á Björn Inga Hrafnsson og aðra fráfarandi stjórnarmeðlimi Pressunnar. Meira »

Sex þýðendur tilnefndir

Í gær, 21:17 Tilnefningar til Íslensku þýðingaverðlaunanna voru opinberaðar nú síðdegis. Verðlaunin fyrir vandaða þýðingu á fagurbókmenntaverki hafa verið veitt árlega frá 2005 en til þeirra var stofnað til að vekja athygli á ómetanlegu framlagi þýðenda til íslenskra bókmennta.   Meira »

„Fólk er bara heima að sötra kakó“

Í gær, 21:12 Þrátt fyrir að norðanáttin sé nú í hámarki er lítið um að vera hjá björgunarsveitum um land allt. Davíð Már Bjarnason, upplýsingafulltrúi hjá Landsbjörg, segir að svo virðist sem fólk hafi farið að fyrirmælum um að halda sig heimavið. Meira »

Vann 1,2 milljarða króna

Í gær, 20:59 Hepp­inn lottó­spil­ari er rúm­um 1,2 millj­örðum króna rík­ari eft­ir út­drátt­inn í Eurojackpot í kvöld en hann sit­ur einn að fyrsta vinn­ingi kvölds­ins. Vinn­ings­miðinn var keypt­ur í Dan­mörku. Meira »

Skoða frekari forðaöflun

Í gær, 20:22 „Við ætlum að mæla holuna betur og skoða hvernig við förum í frekari forðaöflun fyrir Rangárveitur,“ segir Ólöf Snæhólm hjá Veitum en í vikunni var hætt bor­un í landi Götu við Lauga­land til að afla heits vatns fyrir Rangárþing ytra og eystra og Ása­hrepp. Ekkert heitt vatn fannst í þessari borun. Meira »

Umdeildur sjónvarpsdoktor

Í gær, 20:09 Dr. Phil, fullu nafni Phillip Calvin McGraw, er einhver frægasti sjónvarpsmaður samtímans og orðinn einn sá auðugasti eftir um tvo áratugi í bransanum. Um árabil hafa Íslendingar getað fylgst með þessum sköllótta „besservisser“ með yfirskeggið veita gestum sínum misdjúp hollráð, núna í Sjónvarpi Símans. Slagorð þáttarins er: „Öruggur staður til að ræða erfið mál“. Meira »

Björn Ingi sakaður um hótanir

Í gær, 20:19 Nýkjörin stjórn Pressunnar segir í yfirlýsingu að grunur leiki á um að eftir sölu á helstu eignum fyrr í haust, hafi kröfuhöfum verið mismunað og að misfarið hafi verið með fjármuni félagsins. Við það hafi lög verið brotin. Björn Ingi Hrafnsson er í yfirlýsingunni borin þungum sökum. Meira »

Segir farið í manninn en ekki boltann

Í gær, 19:26 Bragi Guðbrandsson, forstjóri Barnaverndarstofu, tengir ásakanir barnaverndar á höfuðborgarsvæðinu við hugsanlega áminningu og segir að það sé farið í manninn en ekki boltann. Meira »

Þéttur éljagangur í kvöld

Í gær, 18:44 „Veðrið nær hámarki núna næstu eina til tvær klukkustundirnar og verður þannig í kvöld og fram á nóttina,“ segir Teitur Arason, veðurfræðingur á Veðurstofu Íslands. Hann segir að veðrið gangi smám saman niður á morgun. Meira »

Textar Cohens henta kirkjum

Í gær, 18:36 „Ég heillaðist af boðskapnum í lögum Leonards Cohens fyrir 10 árum. Cohen dó fyrir ári og mér fannst tilvalið að heiðra tónlist hans og textasmíð í sérstakri Cohen-messu,“ segir Keith Reed, starfandi tónlistarstjóri Ástjarnarkirkju fram á næsta vor Meira »

Opna ekki aftur fyrir 1. desember

Í gær, 18:29 Zúistar hyggjast ekki opna aftur fyrir endurgreiðslu sóknargjalda áður en frestur til að skipta um trúfélag, vegna sóknargjalda næsta árs, rennur út. Þetta má lesa úr svari Ágústs Arnars Ágústssonar, forstöðumanns Zuism á Íslandi. Hann segir „ólíkleg að niðurstaða um að opna aftur komi fyrir 1.des.“ Meira »

Loka Fóðurblöndunni á Egilsstöðum

Í gær, 17:56 Verslun Fóðurblöndunnar á Egilsstöðum verður lokað um mánaðamótin. Ákvörðunin var tekin í kjölfar nokkurra ára tapreksturs.   Meira »

„Alvarlegt tjón fyrir samfélagið“

Í gær, 17:14 Bæjarstórn Stykkishólmsbæjar skorar á Sæferðir og Eimskip að leita leiða til að hraða viðgerð á ferjunni Baldri eða finna annað skip til að sigla um Breiðafjörð. Fram hefur komið að ferjan Baldur verður í viðgerð næstu vikurnar. Meira »

Tékklistar og hagnýt húsráð

Í gær, 16:30 Heima er fyrsta bók Sólrúnar og er hún uppfull af gagnlegum ráðum sem einfalt er að tileinka sér. Í bókinni tekur hún fyrir helstu þætti heimilisins og kennir skilvirkar aðferðir til að halda því hreinu og fallegu án mikillar fyrirhafnar. Meira »

Ferðir féllu niður í dag

Í gær, 17:21 „Í gær urðu verulegar tafir og í dag voru felldar niður ferðir,“ segir Ólafur William Hand, upplýsingafulltrúi Eimskips, um áhrif óveðursins á vöruflutninga fyrirtækisins. Bíll frá Flytjanda, fór út af veginum í Bólstaðarhlíðarbrekku í gær. Meira »

Báðar stúlkurnar með meðvitund

Í gær, 16:47 Unglingsstúlkurnar tvær sem fundust meðvitundarlausar í miðbænum í gærkvöldi eru komnar til meðvitundar. Lögreglan hefur rætt stuttlega við aðra stúlkun en ekki hina. Guðmundur Páll Jónsson lögreglufulltrúi staðfestir þetta í samtali við mbl.is. Meira »

Gæti orðið öflug atvinnugrein

Í gær, 15:54 Félag skógareigenda á Suðurlandi hyggst á morgun kynna niðurstöður af vinnu síðustu mánaða við að kanna grundvöll fyrir því að koma á fót vinnslu skógarafurða úr sunnlenskum skógum. Meira »

Mátturinn eða dýrðin - Greinaflokkur

Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Til sölu Mitsubishi Outlander 2007
1 eigandi frá upphafi, ekinn aðeins 75.000 km. 5 gíra, bensín, 4WD, ný dekk, nýj...
STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
Ukulele
...
 
L edda 6017112119 i h&v
Félagsstarf
? EDDA 6017112119 I H&V; Mynd af augl...
Eldri borgarar
Staður og stund
Aflagrandi 40 Opin vinnustofa kl. 9 og g...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Aflagrandi 40 Opin vinnustofa kl. 9 og b...