Um það bil helmingur íslenskra kvenna, sem gangast undir fóstureyðingu, velur lyfjameðferð fram yfir aðgerð.
Af þeim velja langflestar að taka lyfin í heimahúsi en þá þurfa þær að dvelja í nágrenni við Landspítalann og eru í símasambandi við kvennadeild á meðan á ferlinu stendur.
Kristín Jónsdóttir, yfirlæknir á kvennadeild, segir konur almennt sáttar við þá valkosti sem þeim bjóðast en sumum þyki kerfið heldur þungt í vöfum, að því er fram kemur í umfjöllun um mál þetta í Morgunblaðinu í dag.