Fiskverkunin GPG er með höfuðstöðvar sínar á Húsavík og rekur starfsstöð á Raufarhöfn. Þar eru um 20 starfsmenn og þetta er stærsti einstaki vinnuveitandinn í bænum. Þar eru næg verkefni, það eina sem vantar er fólk til að vinna þau.

Viðar Friðgeirsson er verkstjóri GPG á Raufarhöfn og segir að þar sé „alveg fullt að gera“.

Meðal þess sem unnið er í starfsstöðinni á Raufarhöfn er Masago, lituð og bragðbætt loðnuhrogn sem notuð eru til sushigerðar. Þau eru seld víða um heim, en aðallega til Bandaríkjanna og Evrópulanda.

En þessa dagana er helst verið í flakavinnslu á bolfiski.

„Eftir áramótin erum við mikið í hrognafrystingu, þá frystum við þorskhrogn. Svo tekur grásleppuvertíðin við á vorin,“ segir Viðar.

Og það er næga vinnu að fá hjá GPG.

„Það er búið að vera mjög gott í haust. Bullandi fiskerí,“ segir Viðar.

Tengdar fréttir

100 daga hringferð Morgunblaðsins

„Stjörnurnar að raðast rétt upp“

• Býst við áróðri kröfuhafa
• Konan á bak við Hringferðina
• Ísland að breytast í borgríki
• Vonandi ekki of seint á ferðinni

» Fleiri tengdar fréttir