Sex félagar í björgunarsveitinni Húnum komu kind og þremur lömbum til aðstoðar sem höfðu komið sér í sjálfheldu á klettasyllu í Guðlaugshöfða. Verkefnið tók smá tíma þar sem þeir urðu að koma sér upp á mjóa syllu fyrir ofan féð til að geta komist að því.
„Smá tíma tók að undirbúa björgunina m.a. þurfti að bora í klettin til að bolta tryggingar áður en sigið var niður á sylluna þar sem rollurnar héldu sig. Vel gekk svo að ná þeim á sylluni og var þeim svo slakað niður með línu niður fyrir sylluna þar sem tekið var á móti þeim,“ segir á heimasíðu björgunarsveitarinnar.
Fleiri myndir frá björgunaraðgerðinni má sjá hér.