Ný hlustpípa og hlaupaskór duga ekki til

Skurðaðgerð á Landspítala.
Skurðaðgerð á Landspítala. mbl.is/Ásdís

Umræðan um landflótta lækna og launamál þeirra er glannaleg, að mati heilbrigðisráðherra. Læknir sem miðlar hundruðum verktakastarfa á Norðurlöndum til íslenskra lækna í viku hverri segir hins vegar að taka verði mark á viðvörunarljósunum. Hagræðingu sé stýrt of mikið ofan frá án samráðs við lækna.

„Við erum að tala um fólk sem hefur lagt það á sig af að búa erlendis með fjölskyldur sínar í fleiri, fleiri ár til að leggja stund á nám og steypa sér í skuldir af hugsjón. Ég held það sé þess virði að hlusta á þetta fólk,“ segir Guðmundur Karl Snæbjörnsson, læknir.

Erfið tilhugsun að snúa heim

Árið 2009 stofnaði Guðmundur Karl vinnumiðlunina Hvíta sloppa, að eigin sögn til að gera íslenskum læknum það kleift að lifa af laununum hér á landi, með því að fara öðru hverju út að drýgja tekjurnar. 

Á þeim tæpu 5 árum sem liðin eru síðan hefur ekkert lát verið á spurninni eftir íslenskum læknum erlendis frá. Á sama tíma hefur dregið mjög úr starfsánægju lækna á Landspítala, samkvæmt könnunum og laun lækna hafa dregist aftur úr launum sambærilegra stétta á almennum vinnumarkaði og ríkinu.

Kristján Þór Júlíusson heilbrigðisráðherra fékk afhenta yfirlýsingu frá 141 lækni búsettum erlendis, á aðalfundi Læknafélags Íslands fyrir helgi. Í yfirlýsingunni segir að það sé afar erfið tilhugsun fyrir sérfræðilækna erlendis að snúa heim í þá óvissu sem nú ríki. Óskuðu læknarnir eftir skýrum línum frá stjórnvöldum um aðgerðir til bjargar Landspítalanum og heilbrigðiskerfinu.

Launamálin fíllinn í stofunni

Í ávarpi sínu á fundi Læknafélagsins gagnrýndi Kristján Þór að umræðan um heilbrigðismálin væri lausbeisluð á köflum og stóru orðin ekki spöruð, sérstaklega þegar rætt væri um landflótta og launamál.

„Það er ekkert nýtt að íslenskir læknar starfi erlendis og við vitum að margir sem fara í sérfræðinám úti ílengjast þar – sem er í sjálfu sér ekkert óeðlilegt,“ sagði heilbrigðisráðherra. Hann sagðist auðvitað vilja halda í lækna og annað fagfólk en að hægt sé að laða það til starfa með ýmsum hætti. Hins vegar sjái hann ekki fyrir sér launatölur, sambærilegar við þær sem þekkjast á Norðurlöndum.

Guðmundur Karl segir launamálin vera fílinn í stofunni sem horfast þurfi í augu við og bendir á að dagvinnulaun aðstoðarlæknis á Landspítala séu oft 340-350 þúsund á mánuði. Fyrir sambærilega stöðu í Svíþjóð séu launin tvöfalt hærri.

Þá má geta þess að laun læknanema á Landspítala eftir 5 ára háskólamenntun í læknisfræði er um 289 þúsund krónur og 6. árs nemar eru með 300 þúsund krónur í dagvinnulaun.

Alls staðar keppst um lækna

„Halda menn að það myndi breyta stöðunni ef niðurstaða komandi kjarabaráttu verði sú að læknar geti keypt sér nýja hlustpípu eða NIKE-skó til að hlaupa hraðar milli deilda? Ég held ekki. Ef við getum ekki borgað hærri laun, þá erum við bara að segja að þetta verði óbreytt ástand,“ segir Guðmundur Karl. Að óbreyttu sé það borin von að íslenskt heilbrigðiskerfi geti boðið læknum upp á nokkuð sem önnur Evrópulönd bjóði ekki margfalt betur.

 „Það er ekki einu sinni hægt að leita til atvinnulausra lækna í Grikklandi, Póllandi eða á Spáni, því Svíþjóð er líka búin að herja á þá lækna í mörg ár. Öll þessi lönd eru að keppast um lækna og á Norðurlöndum eru íslenskir læknar einna eftirsóttastir til vinnu. Þeir fá hæstu einkunn meðal sjúklinga í Svíþjóð og það er talað um þá sem ótrúlega sveigjanlega og jákvæða.“

Fram að eða fram af bjargbrúninni?

Guðmundur Karl lét hafa eftir sér í viðtali við Rúv fyrir nokkru að bjarga þurfi því sem sé í rúst í íslensku heilbrigðiskerfi eða komið fram af bjargbrúninni margumræddu. Kristján Þór vék sérstaklega að þessum ummælum í ræðu sinni á fundi Læknafélagsins og sagði gífuryrði ganga fram af sér.

Aðspurður segist Guðmundi Karli ekki líka þetta líkingamál um heilbrigðiskerfið á hengiflugi, en hann standi þó við orð sín. „Þegar nánast hver einasti unglæknir er að leita að leið til að komast í burtu, þegar læknanemar vilja ekki koma inn á stofnanirnar og þegar læknar þurfa að taka steralyf vegna myglusvepps í vinnunni, þegar öll von er horfin úr kerfinu, þá erum við fyrir töluverðu síðan farin fram af hengifluginu.“

Af umræðunni undanfarin misseri má ráða að starfsfólk, stjórnendur og ráðamenn í heilbrigðiskerfinu greini á um nákvæmlega hversu nálægt bjargbrúninni Landspítalinn sé eða hvort hann sé farinn fram af henni.

Guðmundur Karl er þó ekki einn um að telja spítalann farinn fram af, því í febrúar á þessu ári sagði Sigurður Guðmundsson, fyrrverandi landlæknir, að í heilbrigðismálum séum við „ekki komin fram að þessari títtnefndu bjargbrún, heldur fram af henni“.

Erfitt að tjá sig í litlu landi með einn vinnustað

Heilbrigðiskerfið þarf á því að halda að von sé blásið í það, að mati Guðmundar Karls. Sjálfur er hann þeirrar skoðunar að opna þurfi kerfið þannig að heilbrigðisstofnanir megi auglýsa eftir læknum til verktakavinnu. Nauðsynlegt sé að skoða fjölbreyttara rekstrarform í heilbrigðiskerfinu, ekki síst til þess að starfsfólk geti haf áhrif á sína vinnustaði og stjórn þeirra.

„Það er erfitt að tjá sig í svona litlu landi með bara einn vinnustað fyrir sjúkrahúslækna,“ segir Guðmundur Karl og bætir því við að of lengi hafi viðgengist að ekki sé hlustað á þá lækna sem tjái sig.

„Enginn læknir vill gera heilbrigðiskerfinu illt. Við læknar erum í þessu starfi fyrir lífstíð, þetta er ævistarf og hugsjón. Það er almennur velvilji meðal lækna, bæði þeirra sem starfa hér og erlendis, og þó þeir láti einhverja gagnrýni út úr sér er það ekki vegna þess að þeir séu að reyna að klekkja á ráðherrum og heilbrigðisyfirvöldum, síður en svo. Þeir eru að reyna að ná eyrum fólks. Þetta er eins og þegar það blikkar ljós í bílnum hjá þér, þetta eru varúðarperur sem við verðum að taka mark á.“

Guðmundur Karl segir ekki hægt að byggja heilbrigðiskerfið upp að ofan heldur verði að gera það með samráði við heilbrigðisstarfsfólk. 

„Við verðum að hlusta á gagnrýni og taka hana til greina, það þýðir ekki að sópa henni undir teppið. Ég held að það sé því fyrr því betra að við áttum okkur á því hvernig staðan er, þó það sé sársaukafullt, því þá kannski höfum við möguleika á að vinna okkur út úr því.“

Landspítalinn
Landspítalinn mbl.is/Ómar
Guðmundur Karl Snæbjörnsson læknir.
Guðmundur Karl Snæbjörnsson læknir.
Kristján Þór Júlíusson heilbrigðisráðherra á fundi með læknaráði Landspítala.
Kristján Þór Júlíusson heilbrigðisráðherra á fundi með læknaráði Landspítala. mbl.is/Rósa Braga
Á Landspítalanum.
Á Landspítalanum. mbl.is/Rósa Braga
Læknar á Landspítala að störfum.
Læknar á Landspítala að störfum. mbl.is/Eggert Jóhannesson
mbl.is

Innlent »

Sýknaður eftir ummæli um veiðiþjófnað

18:54 Rúnar Karlsson, einn eigenda ferðaþjónustufyrirtækisins Borea Travel á Vestfjörðum hefur verið sýknaður af kæru um meiðyrði sem lögð var fram af ferðaþjónustufyrirtækinu GJÁ útgerð sem einnig er þekkt sem Standferðir. Var kæran lögð fram vegna umfjöllunar um meintan veiðiþjófnað í Hornvík á Hornströndum í fyrra. Meira »

„Þarf að hefjast handa strax“

18:27 „Ég leyfi mér að treysta því að VG fari ekki inn í þetta stjórnarmynstur nema að fá því framgengt að Ísland standist þær skuldbindingar sem við höfum undirgengist,“ segir Árni Finnsson, formaður Náttúruverndarsamtaka Íslands. Árni er nú í Bonn í Þýskalandi á loftlagsþingi Sameinuðu þjóðanna. Meira »

100 manns komast ekki af spítalanum

18:22 Nú liggja um 100 einstaklingar inni á Landspítalanum sem lokið hafa meðferð og gera ekki annað en að bíða eftir því að komast af spítalanum. Um er að ræða aldraða einstaklinga sem ekki geta snúið aftur að óbreyttu heim og eru aðstæður þeirra óviðunandi. Meira »

Aðeins 60% myndu kjósa VG aftur í dag

17:39 Stuðningur við Vinstri græn hefur dalað um 3,6 prósentustig frá síðustu alþingiskosningum og mælist nú 13,0% miðað við 16,9% í kosningum. Á sama tíma hefur stuðningur við Samfylkingu aukist úr 12,1% í 16,0% og er Samfylkingin nú annar stærsti flokkurinn. Meira »

„Raddir barna og ungmenna skipta máli“

17:20 Í tilefni af alþjóðlegum degi barna, 20. nóvember næstkomandi, hafa börn í samstarfi við UNICEF, Barnahjálp Sameinuðu þjóðanna, útbúið nýtt tónlistarmyndband við lag söngkonunnar P!nk, What About Us. Meira »

Vill að flugfreyjur og -þjónar standi saman

17:16 „Það er von mín að flugfreyjur og flugþjónar á Íslandi standi saman í einu stéttarfélagi,“ segir formaður Flugfreyjufélags Íslands. Flug­freyj­ur og -þjón­ar hjá WOW air hafa gagnrýnt stjórn FFÍ og segja mál­efni sín hafa lítið vægi inn­an félagsins. Meira »

Friðheimar fengu nýsköpunarverðlaun SAF

16:30 Friðheimar í Bláskógabyggð eru handhafi nýsköpunarverðlauna Samtaka ferðaþjónustunnar árið 2017. Forseti Íslands, Guðni Th. Jóhannesson, afhenti Friðheimum verðlaunin við fjölmenna og hátíðlega athöfn á Grand Hótel Reykjavík fimmtudaginn 16. nóvember. Meira »

Mælingar sýna ekki merki um gasmengun

17:14 Handvirkar mælingar á rafleiðni og gasmengun voru gerðar í dag við Kvíá. Mælingar á rafleiðni sýndu ekki há gildi, sem bendir til þess að ekki sé um óvenjulega jarðhitavirkni undir Öræfajökli að ræða. Meira »

Dæmdur fyrir hótanir og líkamsárás

16:15 Karlmaður hefur verið dæmdur í tveggja mánaða skilorðsbundið fangelsi og til að greiða um 360 þúsund krónur í miskabætur til konu og karls vegna líkamsárásar og hótana. Er um að ræða konu sem maðurinn hafði áður átt stuttlega í sambandi við. Dómurinn var kveðinn upp í Héraðsdómi Austurlands. Meira »

Miðpunktur Vesturbæjarins

15:55 Borgarráð hefur samþykkt viljayfirlýsingu milli Knattspyrnufélags Reykjavíkur (KR) og Reykjavíkurborgar um mögulega uppbyggingu á KR-svæðinu við Frostaskjól. Dagur B. Eggertsson borgarstjóri skipaði með erindisbréfi starfshóp um skipulags- og uppbyggingarmál KR Meira »

Málefnasamningur næst varla um helgina

15:50 Ólíklegt er að Sjálfstæðisflokkurinn, Framsóknarflokkurinn og Vinstri græn ljúki við málefnasamning sinn um helgina í stjórnarmyndunarviðræðum sínum. Meira »

Fundir númer sjö í næstu viku

15:38 Tveir fundir hafa verið boðaðir hjá ríkissáttasemjara í næstu viku í kjaradeilum flugmanna og flugvirkja hjá Icelandair. Fundirnir eru þeir sjöundu í röðinni í báðum tilfellum. Meira »

Auglýsa eftir verki í stað sjómannsins

15:09 Margir sjá á eftir veggmyndinni af sjómanninum sem nýverið prýddi gafl sjávarútvegshússins. Frá því að mála þurfti yfir myndina af sjómanninum hefur Atvinnuvega- og nýsköpunarráðuneytið í samvinnu við SÍM, Samtök íslenskra myndlistarmanna, undirbúið samkeppni um nýtt listaverk á húsgaflinn og skal verkið hafa skírskotun í sögu sjávarútvegs á Íslandi. Meira »

Bílvelta á Grindavíkurvegi

14:26 Nokkuð var um umferðaróhöpp í umdæmi lögreglunnar á Suðurnesjum í vikunni. Bíll valt á á Grindavíkurvegi þegar ökumaður ók út á vegöxl og missti við það stjórn á bifreiðinni. Fór bíllinn tvær veltur og staðnæmdist á hvolfi að því er fram kemur í tilkynningu lögreglu. Meira »

Framtíð Bláfjallasvæðis ræðst af skýrslu

14:18 Skýrsla um vatnsvernd á Bláfjallasvæðinu sem starfshópur á vegum Kópavogsbæjar er að vinna er væntanleg á næstunni. Frekari uppbygging til lengri framtíðar á skíðasvæðinu í Bláfjöllum og í Þríhnjúkagígum ræðst af því hver niðurstaða skýrslunnar verður. Unnið hefur verið að henni í um eitt ár. Meira »

„Saklaus“ og alvarleg mistök

15:08 „Það sauð svolítið á mér þarna í gærkvöldi,“ segir Jóhannes Helgason, eiginmaður Töru Margrétar Vilhjálmsdóttur, í samtali við mbl.is. Hann birti langa færslu á Facebook í gærkvöldi í kjölfarið á umdeildri færslu inni á facebooksíðu Ligeglad. Meira »

Greip tölvu og gekk út

14:18 Lögreglunni á Suðurnesjum var tilkynnt um þjófnað í verslun í Flugstöð Leifs Eiríkssonar í vikunni. Maður hafði gengið inn í verslunina og haft á brott með sér tölvu. Hann fór síðan inn á salerni og tók tölvuna úr umbúðunum. Meira »

Dagur ekki ábyrgur fyrir skólpleka

14:14 Borgarstjóri Reykjavíkur er ekki ábyrgur fyrir þeim skólpleka sem var vegna bilunar í skólpdælistöðinni við Faxaskjól, en vegna hans var miklu magni skólps veitt í sjóinn án hreinsunar. Þetta kemur fram í svari borgarlögmanns við fyrirspurn borgarráðsfulltrúa Framsóknar og flugvallarvina sem kynnt var í borgarráði nýlega. Meira »

Mátturinn eða dýrðin - Greinaflokkur

Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
Ódýr flugvél fyrir sumarið
Til sölu 2ja sæta flugvél, experimental. Ný uppgerð og máluð í fallegum litum. V...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
 
Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og f...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl 9 og gö...