„Hvar er ráðherra?“
Setja bókamerki
„Hvar er ráðherra?“ kölluðu mótmælendur við innanríkisráðuneytið í dag en töluverður fjöldi fólks var samankominn til að mótmæla framkvæmdum í Gálgahrauni og aðgerðum lögreglu í gær þegar um 30 náttúruverndarsinnar voru handteknir við mótmæli í hrauninu. Hanna Birna Kristjánsdóttir innanríkisráðherra var þó ekki við en ályktun náttúruverndarsinna var komið áleiðis.
Mótmælendur sem mbl.is ræddi við voru flestir ósáttir við þá hörku sem beitt var í gær til að fjarlægja Hraunvini af framkvæmdasvæði við veginn umdeilda út á Álftanes.
Athugasemd frá innanríkisráðuneytinu kl. 17.20
Innanríkisráðuneytið vill taka það fram að mótmælendur hefðu verið upplýstir um það að ráðherra yrði fjarverandi þegar mótmæli færu fram við skrifstofur ráðuneytisins kl. 12.30 í dag. Hanna Birna er nú stödd á Austurlandi að sinna embættiserindum, en hún mun m.a. vígja nýjan Norðausturveg til Vopnafjarðar á morgun.
Tekið er fram að ráðherra hafi fengið upplýsingar um fyrirhuguð mótmæli, en í svari sem barst frá Hönnu Birnu til Árna Finnssonar, formanns Náttúruverndarsamtaka Íslands, hafi verið tekið skýrt fram að ráðherra yrði fjarverandi þegar mótmælin færu fram.
Kveðst tala af virðingu: „Ég er enginn dóni“
Þrjú og hálft ár fyrir skotárás í Úlfarsárdal
Mikil skjálftavirkni á landinu áhyggjuefni
Starfsfólk gæti fengið reikning frá Skattinum
Aðeins ein leið fær í Grindavíkurmálum
Innviðir þandir og álagið „gríðarlegt“
Hægagangur og vaxandi ókyrrð