Aðeins einn sakborninga í máli ákæruvaldsins gegn Stefáni Loga Sívarssyni, Stefáni Blackburn og fleirum er mættur við upphaf aðalmeðferðar. Mennirnir eru vistaðir í mismunandi fangelsum en fangavörðum hefur ekki tekist að færa þá fyrir dóminn á réttum tíma.
Aðalmeðferð átti að hefjast klukkan níu en var frestað þar til fangaverðir koma með sakborninga. Dómari bar við að færð á vegum kæmi í veg fyrir það að þeir skiluðu sér á réttum tíma.
Fimm menn eru ákærðir fyrir stórfelldar líkamsárásir og frelsissviptingu, Stefán Logi Sívarsson, Stefán Blackburn, Davíð Freyr Magnússon, Hinrik Geir Helgason og Gísli Þór Gunnarsson.