Á leið að Geysi en festu bílinn

Ferðamennirnir voru ekki á réttri leið þegar þeir festu bíl …
Ferðamennirnir voru ekki á réttri leið þegar þeir festu bíl sinn. mbl.is/Gúna

Erlendir ferðamenn sem voru á leið að Geysi í Haukadal festu bíl sinn í snjó á Landvegi í dag, nærri Galtalæk. Ferðamennirnir slógu inn nafn Geysis í staðsetningartæki, en það fór með þá kolvitlausa leið sem leiddi til þess að þeir festu bíl sinn.

Ferðamennirnir höfðu samband við lögreglu og báðu um aðstoð. Bændur á næsta bæ fóru til aðstoðar og losuðu þá úr skaflinum og bentu þeim á rétta leið.

mbl.is
Fleira áhugavert
Fleira áhugavert