Handmoka kirkjutröppurnar

Bæjaryfirvöld á Akureyri hafa ákveðið að hætta að hita upp kirkjutröppurnar og sjá starfsmenn bæjarins um að handmoka tröppurnar, þegar þess gerist þörf.

Þetta kemur fram í frétt í Vikudegi. Vatnið í lagnakerfinu undir tröppunum er hitað upp með rafmagni. Samkvæmt upplýsingum Vikudags var nýverið skipt um búnað sem mælir vatnsnotkunina og kom þá í ljós að sá gamli sýndi of litla vatnsnotkun við upphitunina. Eftir að nýr búnaður var settur upp hækkaði kostnaðurinn við að hita upp vatnið í kerfinu um milljónir króna. Því hafi verið ákveðið að handmoka tröppurnar og spara þannig fjármuni.

• 1 blogg um fréttina

Bloggað um fréttina

• Axel Jóhann Hallgrímsson: Ódýrt vinnuafl