Mikið að gera hjá björgunarsveitum

Björgunarsveitir frá Hveragerði, Árborg og Þorlákshöfn eru nú að störfum á Hellisheiði þar sem fjöldi bíla sat fastur fyrr í dag, þar með talið sjúkrabíll. Verst var ástandið við Draugahlíð þar sem um 15 bílstjórar voru í vandræðum. Búið er að loka heiðinni og Þrengslum þar sem þar er mikil ófærð og afar slæmt skyggni.

Sveitin í Vík í Mýrdal var kölluð út vegna bíls sem ók út af vegi rétt við afleggjarann að Heiðarbæ og sveitirnar á Laugarvatni og Grímsnes- og Grafningshreppi eru á leið á Lyngdalsheiði.

Þar situr rúta frá ferðaþjónustu föst eftir að hafa ekið út af veginum til að forðast árekstur við fólksbíl sem sat fastur. Farþegar rútunnar og bílsins verða líklegast fluttir á Laugarvatn en bílarnir skildir eftir. Veður á heiðinni er afar slæmt og mikill vindur gerir fólki erfitt að athafna sig.

Frétt mbl.is: Björgunarsveitir að störfum

• 3 blogg um fréttina

Bloggað um fréttina

• Sigurður Haraldsson: Það er ekki allt með felldu!
• Pálmi Freyr Óskarsson: Veðrið í Vestm. 12.01.2014:
• Haraldur Haraldsson: Mikið að gera hjá björgunarsveitum:Þetta er okkur ómissandi,að hafa þær …