Ranglega var stofnað til umsóknarinnar um inngöngu í Evrópusambandið og tímabært er að leiðrétta það. Þetta sagði Bjarni Benediktsson fjármálaráðherra í kvöldfréttum Stöðvar 2 í kvöld. Forsenda umsóknar væri stuðningur við inngöngu í sambandið hjá almenningi, ríkisstjórn og þingi.

Spurður hvort ekki hafi verið hægt að fara þá leið að hafa umsóknina áfram í hléi sagði Bjarni að það væri hreinlegra, heiðarlegra og raunsærra að draga hana til baka. Ríkisstjórn sem væri andvíg inngöngu í Evrópusambandið gæti ennfremur ekki haldið umsóknarferlinu áfram. Það væri ekki ávísun á traust samskipti að ráðherrar sem væru andvígir inngöngu ættu að vinna að innleiðingu löggjafar sambandsins samhliða viðræðum. Það hefði ekki gengið vel á síðasta kjörtímabili.

Spurður hvort Sjálfstæðisflokkurinn þyrfti ekki að hlusta á afstöðu atvinnulífsins til málsins sagði Bjarni að flokkurinn hlustaði meðal annars á það. Hins vegar tæki Sjálfstæðisflokkurinn ekki við skipunum þaðan.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 6 blogg um fréttina

Bloggað um fréttina

• Guðmundur Jónas Kristjánsson: ESB-sinnar viðurkenni ósigur !
• Arnþór Helgason: Íslenskir spyrlar falla í sama pyttinn
• Jónatan Karlsson: Rólegur, rökfastur og á réttri leið.
• Páll Vilhjálmsson: Bjarni Ben. kennir ESB-sinnum pólitíska lexíu
• Guðjón Sigþór Jensson: Bjarni grefur sér djúpa pólitíska gröf
• Jóhann Elíasson: STÓR MEIRIHLUTI LANDSMANNA ANDVÍGUR INNLIMUN Í ESB........