Fjallagarpurinn og ævintýrakonan Vilborg Arna Gissurardóttir komst ásamt ferðafélögum sínum á topp Kilimanjaro, hæsta tinds Afríku, um klukkan sjö í morgun að staðartíma. 

Hún segir að allir í hópnum hafi komist upp á topp og allt hafi gengið rosalega vel. 

Fjallið er 5.895 metrar á hæð.

„Nokkrir fundu fyrir örlitlum hæðaróþægindum en það var ekkert til að tala um. Við fengum ofboðslega gott veður og það var mikil stemning í hópnum,“ segir hún á vefsíðu sinni. Hún bætir því við að þau hafi tekið með sér gítar á toppinn og sungið eitt lag á afrísku, þ.e. svahílí, sem og afmælissönginn fyrir einn úr hópnum sem átti afmæli í dag. 

Hún segir að þau séu nú stödd í 3.000 metra hæð og fari niður af fjallinu í fyrramálið.

Þetta er sjötti tindurinn af sjö sem Vilborg Arna klífur, en hún hefur síðustu mánuði klifið hæstu tinda fimm heimsálfa.

Tengdar fréttir

Vilborg Arna og leiðangrar hennar

„Maður gerist ekki minni“

• Vilborg ætlar að sofa í viku
• Vilborgu Örnu fagnað í Leifsstöð
• Ólýsanlegt að standa á toppnum
• Vilborg komin í grunnbúðirnar

» Fleiri tengdar fréttir

• Blogga um frétt