Búið er að mála varðskipið Tý í nýjum litum vegna leiguverkefnis sem skipið mun sinna á Svalbarða næstu mánuðina.
Varðskipið hefur algjörlega skipt um lit. Grái liturinn er horfinn en skrokkurinn orðinn rauður og stýrishúsið hvítt.
Verkið var unnið hjá Slippnum á Akureyri. Þar vinna margir stuðningsmenn Íþróttafélagsins Þórs og þótti þeim ekki verra að skipið skartar nú litum félagsins.