Kyn- og frjósemisréttindi í brennidepli

Ungliðahreyfing Amnesty International stóð í dag, á alþjóðlegum baráttudegi kvenna, fyrir undirskriftasöfnun í Kringlunni til þess að vekja athygli á kyn- og frjósemisréttindum sem eiga undir högg að sækja um allan heim. Með undirskriftunum er ætlunin að setja þrýsting á öll ríki Sameinuðu þjóðanna um að vernda, virða og uppfylla kyn- og frjósemisréttindi allra. 

Undirskriftasöfnunin er hluti af nýrri herferð Amnesty International sem ber heitið Minn líkami, mín réttindi og hefur þann tilgang að gera fólki kleift að njóta kyn- og frjósemisréttinda sinna. Til stuðnings máli sínu bendir Amnesty á að

• 150 milljónir stúlkna undir 18 ára hafa sætt kynferðisofbeldi
• 142 milljónir stúlkubarna verða líklega neyddar í hjónaband á næstu tíu árum
• 14 milljónir unglingsstúlkna fæða barn á hverju ári. Þungunin er oftast ótímabær og afleiðing nauðgunar
• 215 milljónir kvenna hafa ekki aðgang að getnaðarvörnum jafnvel þótt þær vilji koma í veg fyrir þungun
• Kynlíf einstaklinga af sama kyni er ólöglegt í a.m.k. 76 löndum, þar af eru 36 Afríkuríki

mbl.is/Árni Sæberg

• 1 blogg um fréttina

Bloggað um fréttina

• Lífsréttur: Amnesty á villigötum