Bæjarstjórn Árborgar felldi í dag tillögu sem lögð var fram um áskorun til Alþingis um að taka til baka þingsályktunartillögu utanríkisráðherra, um að draga til baka umsókn Íslands um aðild að Evrópusambandinu.

Í greinargerð fulltrúa S-listans í Árborg, sem lagði fram tillöguna, segir að spurningin um aðild Íslands að Evrópusambandinu sé mikilvægari en svo að einstakir stjórnmálaflokkar eigi að ráða úrslitum.

„Undirrituð telja að hér sé um að ræða svo stórt hagsmunamál að eðlilegt sé að þjóðin fái aðkomu að ákvörðun um framhald þess. Í ljósi þeirrar staðreyndar að yfir 51.000 Íslendingar hafa skrifað undir áskorun til stjórnvalda um að sýna þjóðinni þá virðingu að heimila þjóðaratkvæðagreiðslu um málið leggjum við þessa tillögu fram,“ segir í greinargerð þeirra Eggerts Vals Guðmundssonar og Örnu írar Gunnarsdóttur, bæjarfulltrúa S-lista.

Tillagan var felld með 6 atkvæðum gegn 2 atkvæðum S lista. Fulltrúi VG í bæjarstjórn sat hjá.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• Blogga um frétt