Gestum og gangandi gafst í dag tækifæri á að prófa nýju Google-gleraugun en símafyrirtækið Nova var með kynningu á þeim í verslun sinni í Lágmúla í dag. Mikill fjöldi fólks lagði leið sína í verslunina og er ljóst að margir vildu verða fyrstir til að prófa gleraugun.
Gleraugun er ekki komin í almenna sölu hér á landi en vonast er til að það gerist síðar á árinu.
Í kynningarmyndbandinu hér að neðan má sjá hvernig gleraugun virka.