Halldór Halldórsson, oddviti sjálfstæðismanna í Reykjavík, segir að gagnrýni sjálfstæðismanna á skólakerfið snúi að kerfinu sem slíku, en ekki sjálfum kennurunum. 

„Við erum að gagnrýna kerfið og segja hverju við teljum geta breytt sem stjórnendur hjá Reykjavíkurborg,“ segir hann í samtali við mbl.is.

Þing Kennarasamband Íslands lýsti í dag furðu sinni á staðhæfingum sem komu fram í auglýsingu Sjálfstæðisflokksins í Reykjavík í Fréttablaðinu í dag. 

Í auglýsingunni eru helstu áhersluatriði flokksins í borginni kynnt, en hefst með þeim orðum að skólakerfið hafi brugðist börnunum en fái þrátt fyrir það að hjakka í sama farinu án aðgerða.

Þing Kennarasambandsins sagði að þetta væru gífuryrði og sleggjudómar.

Halldór ítrekar að auglýsingunni hafi ekki verið beint gegn kennurunum, heldur kerfinu sem slíku. „Við vitum að upp til hópa erum við með góða kennara. Við vitum að við þurfum að gera betur við kennara þegar kemur að launum og höfum áhuga á því að gera kerfisbreytingar til að það verði auðveldara,“ segir hann.

Frétt mbl.is: Mótmæla „sleggjudómum“

Tengdar fréttir

Sveitarstjórnarkosningar

„Framsóknarlegt að vilja bara borgarstjórastólinn“

• „Það hefur aldrei reynt á það í sögu borgarinnar“
• Ekki skýrt hvort Framsókn sé til vinstri eða hægri
• Yngsti borgarfulltrúinn: „Þetta er ákall um breytingar“
• Hafna Borgarlínu og vilja betri rekstur

» Fleiri tengdar fréttir

• 2 blogg um fréttina

Bloggað um fréttina

• Sigurður Haukur Gíslason: Halldór Halldórsson er æðsti yfirmaður kerfisins
• Óðinn Þórisson: Halldór stígi til hliðar