Sterkleg bryggja í stað steinahrúgu

Endurgerð gömlu bryggjunnar í Gróttu er nú að mestu lokið, en í samvinnu við Seltjarnarnesbæ hafa félagar í Rótarýklúbbi Seltjarnarness unnið að þessu verkefni undanfarin ár.

Í stað þaravaxinnar steinhrúgu er nú komin myndarleg bryggja sem sómi er að, segir Guðmundur Ásgeirsson, athafnamaður á Seltjarnarnesi, oft kenndur við Nesskip, í umfjöllun um endurgerð bryggjunnar í Morgunblaðinu í dag.

Hann hefur verið í fararbroddi í þessu verkefni, sem formaður Gróttunefndar Rótarýklúbbsins, síðustu misseri og endurgerð bryggjunnar var einmitt til umræðu á fundi í klúbbnum í gær. Að sjálfsögðu var fundurinn haldinn úti í Gróttu.

Nýja bryggjan í Gróttu. mbl.is/Golli