Fleiri í verklegu flugnámi en bóklegu

Fjöldi nema í bóklegu flugnámi gefur ekki rétta mynd af fjölda þeirra sem eru að læra flug á hverjum tíma, að sögn Matthíasar Sveinbjörnssonar, forseta Flugmálafélags Íslands.

Hann er einn af stofnendum Flugfélagsins Geirfugls sem rekur flugskóla og er með einn stærsta flugklúbb Íslands.

„Fyrir hvern bóklegan nemanda í flugnámi eru 3-3,5 að fljúga og safna sér flugtímum,“ segir Matthías í umfjöllun um mál þetta í Morgunblaðinu í dag. „Bóklega námið er aðeins hluti af t.d. einkaflugmannsnáminu. Sumir byrja að fljúga áður en þeir taka bóklegt, aðrir fljúga samhliða bóklegu námi og sumir fara að fljúga eftir bóklegt nám.“