Samtök ferðaþjónustunnar (SAF) fagna niðurstöðu Héraðsdóms Suðurlands frá því í gær þess efnis að sýslumanninum á Selfossi beri að framfylgja lögbannskröfu fjármálaráðuneytisins á ólöglega gjaldtöku Landeigendafélags Geysis við náttúruperlurnar í Haukadal.

SAF taka undir kröfur Landeigendafélags Geysis um að ekki sé hægt að bíða lengur með uppbyggingu á svæðinu, enda eru hverirnir við Geysi í Haukadal einir af helstu hornsteinum íslenskrar ferðaþjónustu. Á fjölmennum aðalfundi samtakanna á dögunum tilkynnti iðnaðar- og viðskiptaráðherra að nú þegar ætti að setja fjármuni til uppbyggingar á þeim ferðamannastöðum þar sem þörfin er mest.

„SAF hefur ávallt lagt mikla áherslu á að horft sé til heildstæðra lausna hvað varðar gjaldtöku til uppbyggingar á fjölsóttum ferðamannastöðum, fremur en staðbundinna. Þannig eru heildarhagsmunir stærstu og mest vaxandi atvinnugreinar landsins best tryggðir,“ segir í tilkynningu frá samtökunum.

Tengdar fréttir

Ferðamenn á Íslandi

Mikilvægt að vera á tánum

• Ferðaþjónusta aldrei vegið þyngra í landsframleiðslu
• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“

» Fleiri tengdar fréttir

• Blogga um frétt