Póst- og fjarskiptastofnun birti í gær nýja tölfræðiskýrslu um íslenskan fjarskiptamarkað. Í skýrslunni er að finna ítarlegar upplýsingar um fjarskiptamarkaðinn fyrir árin 2011 til 2013.
Meðal þess sem fram kemur er að Síminn er með flestar áskriftir í farsímanetinu. Er markaðshlutdeild hans 36,5%. Nova er næststærst með 31,6% hlutdeild. Hlutur Vodafone er 27,1% og Tals 4,2%.
Símtölum til útlanda úr fastaneti símafélaganna hefur fækkað talsvert. Þau voru rúmlega 118 þúsund árið 2011 en rúmlega 104 þúsund í fyrra.