Leikskólakennarar eru á sífelldum hlaupum, álagið er mikið og launin rýr.
Þetta segir Bergljót Hreinsdóttir, deildarstjóri á leikskólanum Marbakka í Kópavogi, en hún hefur ritað bæjarstjóra Kópavogsbæjar opið bréf um ástandið í leikskólunum.
Í samtali í Morgunblaðinu í dag um þessi mál segir Bergljót leikskólakennara uggandi um öryggi barnanna en skólarnir séu oft undirmannaðir, veikindi tíð og starfsmannavelta mikil. Hún segir tíma til kominn að stéttin láti í sér heyra.