Að minnsta kosti tveir bílar eru fastir á Mývatns- og Möðrudalsöræfum. Björgunarsveitin Jökull á Jökuldal hefur sent bíl á staðinn til að aðstoða fólkið. Óveður er á svæðinu.
Sindri Freyr Sigurðsson, formaður björgunarsveitarinnar Jökuls, segir að bílarnir séu báðir fastir rétt fyrir ofan Skjöldólfsstaði í Jökuldal.
Samkvæmt upplýsingum Neyðarlínunnar eru bílar einnig fastir á hálendinu og hafa björgunarsveitir Landsbjargar þurft að sinna þeim.
Óveður er einnig á Holtavörðuheiði og ekkert ferðaveður, samkvæmt upplýsingum Vegagerðarinnar.