Útflutningsverðmæti makrílafurða gæti lækkað um jafnvel nokkra milljarða króna milli ára og er ekki hægt að útiloka tugprósenta lækkanir. Þetta segir Teitur Gylfason, sölufulltrúi hjá Iceland Seafood.
Ef „Austur-Evrópa lokist fyrir íslenskar makrílafurðum sé erfitt að sjá hvernig brugðist verði við því,“ segir Teitur í umfjöllun um mál þetta í Morgunblaðinu í dag.
Þær upplýsingar fengust hjá Friðleifi Kristni Friðleifssyni, deildarstjóra hjá Iceland Seafood, að útflutningsverðmæti makríls í fyrra hefði verið tæpir 19 milljarðar. Tíu prósenta verðlækkun hefur því í för með sér um 2 milljarða samdrátt.