Veðurstofan spáir í dag allt að fjórtán stiga hita en hlýjast verður á Austurlandi. Annars verður hæg breytileg átt í dag, víða skýjað og þurrt að mestu, en þó rigning með köflum norðantil á landinu fram á kvöld.
Á morgun mun létta víða til. Hiti verður á bilinu fimm til fjórtán stig, hlýjast á Austurlandi í dag, en suðvestan til á morgun, laugardag.
Á höfuðborgarsvæðinu er spáð hægri breytilegri átt. Skýjað verður að mestu í dag, og þurtt að kalla, en á morgun mun hins vegar létta til. Hiti verður á bilinu fimm til tólf stig.
Nánari upplýsingar má finna á veðurvef mbl.is.
Svona er spáin næstu daga:
Á laugardag:
Hæg norðlæg eða breytileg átt. Skýjað N-til á landinu og hiti 2 til 6 stig. Bjart með köflum annars staðar og hiti 6 til 12 stig að deginum.
Á sunnudag:
Norðaustan 5-13 m/s og lítilsháttar skúrir eða él, en þurrt og bjart á S- og V-landi. Kólnandi veður.
Á mánudag:
Austan- og norðaustanátt, víða 5-10 m/s. Yfirleitt bjart veður um landið V-vert, en stöku él eða skúrir A-til fyrripartinn, en SV-lands um kvöldið. Hiti um og undir frostmarki, en að 6 stigum yfir daginn á S- og V-landi.
Á þriðjudag, miðvikudag og fimmtudag:
Útlit fyrir austlæga átt. Bjartviðri N-lands, skýjað og þurrt að kalla með A-ströndinni, en stöku skúrir SV-til. Hiti breytist lítið.
Samkvæmt upplýsingum frá Vegagerðinni er nú greiðfært um flesta vegi á landinu. Búið er að opna veginn yfir Hrafnseyrarheiði og Dynjandisheiði, en þór er ekki orðið fært um Trostansfjörð.
Þá er jafnframt búið að opna veginn yfir Öxi, en þar er krapasnjór.