Fjallagarpurinn Vilborg Arna Gissurardóttir gekk á Vífilsfell í morgun ásamt hópi fólks sem tók þátt í morgungöngu á vegum VÍS. Hún kom aftur til Íslands á sunnudag eftir átakanlega ferð til Nepals þar sem hún upplifði mannskæðasta slys í sögu Everest-fjalls. Sex­tán manns létu lífið og þar á meðal þrír úr henn­ar starfsliði.

Ferðafélag Íslands og VÍS hafa staðið fyrir morgungöngum í þessari viku þar sem gengið hefur verið á fjöll í nágrenni Reykjavíkur. Síðasta gangan er á morgun en gengið verður á Úlfarsfell. Lagt er af stað frá bílastæði sunnan fellsins, við veg sem liggur upp á það. 

Þetta er árviss viðburður sem nú er haldinn í 10. skipti. Brottför er kl. 6:00 á einkabílum frá húsi FÍ, Mörkinni 6 alla dagana. Hægt er að mæta beint á upphafsstað göngu. 

Göngurnar taka 2-3 klst. hver. Fararstjórar eru Páll Guðmundsson og Auður Kjartansdóttir.

Ljósmynd/Vilborg Arna

Tengdar fréttir

Vilborg Arna og leiðangrar hennar

„Maður gerist ekki minni“

• Vilborg ætlar að sofa í viku
• Vilborgu Örnu fagnað í Leifsstöð
• Ólýsanlegt að standa á toppnum
• Vilborg komin í grunnbúðirnar

» Fleiri tengdar fréttir

• 1 blogg um fréttina

Bloggað um fréttina

• Njörður Helgason: Heilmikið fjall bíður!