„Stöndum ekki að skæruhernaði“

Hafsteinn Pálsson formaður Félags íslenskra atvinnuflugmanna
Hafsteinn Pálsson formaður Félags íslenskra atvinnuflugmanna Af vef FIA.

„Við stöndum ekki að neinum skæruhernaði. Við erum bara að vinna vinnuna okkar,“ segir Hafsteinn Pálsson, formaður Félags íslenskra atvinnuflugmanna. Hann mótmælir fréttatilkynningu sem Icelandair sendi frá sér í kvöld.

Flugmenn Icelandair hafa sett á ótímabundið yfirvinnubann, en það leiðir til þess að flugfélagið nær ekki að manna allar vélar og hefur því ákveðið að fella niður ellefu flugferðir á morgun. Búast má við töfum á flugi í kjölfarið.

Hafsteinn segir að aðgerðir flugmanna séu ekki neinn skæruhernaður. Þeir vinni bara í samræmi við það skipulag sem Icelandair byggi á. Flugfélagið sé hins vegar ekki með nægilegan mannskap til að halda uppi eðlilegri áætlun án þess að flugmenn vinni yfirvinnu.

mbl.is

Bloggað um fréttina

Fleira áhugavert
Fleira áhugavert