Reiknað með að virkja fljótt

Ef vel verður haldið á spöðunum verður hægt að bjóða út hönnun Búrfells II í haust og bjóða út framkvæmdir við virkjunina á seinnihluta næsta árs.

Óli Grétar Blöndal Sveinsson, framkvæmdastjóri þróunarsviðs Landsvirkjunar, reiknar með að virkjunin verði byggð eins fljótt og unnt er, að því er fram kemur í Morgunblaðinu í dag.

Skipulagsfulltrúi uppsveita Árnessýslu hefur auglýst breytingu á aðalskipulagi Skeiða- og Gnúpverjahrepps þar sem gert er ráð fyrir viðbótarvirkjun við Búrfell. Fyrirhugað virkjunarsvæði er að mestu leyti á milli Búrfells og Sámsstaðamúla og hefur því þegar verið raskað að stærstum hluta vegna fyrri framkvæmda.