Mikið æði fyrir fótboltaspilum hefur gripið um sig meðal yngstu kynslóðar knattspyrnuiðkenda samhliða heimsmeistarakeppninni í Brasilíu. Viðmælendur mbl.is úr knattspyrnuskóla Fram eru sammála um að flestallir í kringum sig séu að safna og „bítta“ spjöldum af sínum fyrirmyndum í íþróttinni.
Spilin eru keypt saman í ýmsum pökkum og eru skiptar skoðanir um hver þeirra eru best og flottust. Það var ekki síður umdeilt meðal viðmælenda hvort hér væri um kostnaðarsamt áhugamál að ræða eður ei.