Faðir Andra Freys Sveinssonar, 18 ára Íslendings sem lést af slysförum í skemmtigarðinum Terra Mítica, sagði við skýrslutöku á Benidorm í gær að fjölskyldan myndi krefjast skaðabóta frá skemmtigarðinum hafi hann gerst sekur um aðgæsluleysi.
Þetta kemur fram á vef Informacíón í dag.
Þar segir einnig að þrátt fyrir þetta hafi fjölskylda piltsins ekki enn ákveðið hvort hún muni höfða einkamál gegn skemmtigarðinum. Kjósi fjölskylda Andra Freys svo, verður hún ekki bundin af málatilbúnaði saksóknara og gæti því lagt fram sínar eigin kröfur í málinu.
Í yfirlýsingu sem fjölskylda Andra Freys gaf út í gær kom fram að Andri Freyr hafi fallið úr um 15 metra hæð úr rússíbananum Inferno þegar öryggistæki gáfu sig í lok ferðarinnar. Enginn sjúkrabíll var í garðinum og þurfti fjölskyldan að bíða í 20–25 mínútur eftir aðstoð. Andri Freyr lést í bílnum á meðan hann var enn á svæði garðsins.
Uppfært kl. 21:55: Að sögn föður Andra Freys hefur fjölskyldan ekki rætt kröfur um skaðabætur á þessu stigi málsins, líkt og haldið er fram í spænskum fjölmiðlum í dag.
Biðu eftir sjúkrabíl í 20-25 mínútur
Allt gekk sinn vanagang þrátt fyrir slysið
Fjölskyldan gaf skýrslu í morgun
Pilturinn sem lést á Spáni
„Fyrir mér var þetta versta tækið“
Samskonar rússibönum lokað
Rannsókn hafin á banaslysi íslenska piltsins
Staðfest að pilturinn var íslenskur
Íslendingur sagður látinn í skemmtigarði