„Við verðum bara að fara að líta á íslenska náttúru eins og fiskistofnana. Það má ekki bara ganga endalaust á þetta og eftirspurnin á ekkert að ráða þessu endilega.“
Þetta segir Ólafur B. Schram, fjallaleiðsögumaður og ferðaþjónustubóndi, í viðtali í Morgunblaðinu í dag, en hann segir að verið sé að eyðileggja söluvöruna með offjölgun ferðamanna.
Ólafur hefur miklar áhyggjur af þróun mála og veltir því fyrir sér hvar eigi að draga mörkin. Hann gagnrýnir einnig samráðsleysi og segir að í ferðaþjónustunni ríki „peningalegt lýðræði“.