Segir bandarískt kjöt örugga vöru
Setja bókamerki
„Rannsóknir hafa sýnt aftur og aftur að bandarískt kjöt og kjötvörur eru heilbrigðar vörur og við trúum því að innflutningur á bandarísku kjöti til Íslands sé vel framkvæmanlegur.“ Þetta segir Paul Cunningham, talsmaður bandaríska sendiráðsins vegna fyrirspurnar mbl.is vegna ummæla Sigmundar Davíðs Gunnlaugssonar, forsætisráðherra, um bandarískt „sterakjöt.“
Þá segir Paul að sendiráðið hvetji Íslendinga til þess að halda mörkuðum sínum opnum fyrir bandarískum vörum.
Sigmundur Davíð sagði í ræðu sinni á miðstjórnarfundi Framsóknarflokksins síðastliðinn föstudag að 99% af kjöti sem framleitt er í verksmiðjubúum í Bandaríkjunum sé sterakjöt, sprautað með ýmis konar hormónum til þess að láta skepnurnar vaxa hraðar. „Svo eru þær líka fóðraðar á korni. Það veldur því að ýmis bakteríumyndun er meiri í þessum skepnum en í öðrum. Það er brugðist við því á ýmsan hátt, til dæmis með því að þvo kjötið upp úr ammoníaki,“ sagði Sigmundur.
Í bæklingi frá bandarísku neytendasamtökunum kemur meðal annars fram að bandaríska verslunarkeðjan Costco bjóði neytendum upp á kjöt af dýrum sem ekki eru sprautuð með sýklalyfjum. Raunar eigi þetta við um ellefu af þrettán stærstu verslunarkeðjum Bandaríkjanna.
Sjá frétt mbl.is af ræðu Sigmundar á miðstjórnarfundi Framsóknarflokksins.
„Það er skiljanlegt að þolinmæði þeirra sé lítil“
Kveðst tala af virðingu: „Ég er enginn dóni“
Myndskeið: Braut rúðurnar og rölti svo í burtu
„Tíminn er runninn út fyrir Kristján Loftsson“
Aukin tíðni þungunarrofa hjá yngsta aldurshópnum
Stóraukið fé til samgöngusáttmála
Markaðurinn hitnar og leiguverð hækkar hratt