Öllum fyrirvörum var létt af raforkusölusamningi Landsvirkjunar og United Silicon hf. í gær. Landsvirkjun mun útvega rafmagn fyrir kísilverksmiðju sem United Silicon ætlar að reisa í Helguvík.

Verksmiðjan mun nota 35 MW af afli og er gert ráð fyrir að hún hefji starfsemi á fyrri hluta ársins 2016. Hörður Arnarson, forstjóri Landsvirkjunar, sagði að orkan sem Landsvirkjun ætlaði að afhenda United Silicon væri til. Samningurinn kallaði því ekki á frekari virkjanaframkvæmdir, að því er fram kemur í Morgunblaðinu í dag.

Framkvæmdir við byggingu fyrsta áfanga verksmiðjunnar eiga að hefjast í þessum mánuði. Magnús Garðarsson, nýráðinn framkvæmdastjóri United Silicon hf. í Helguvík, sagði að 250-300 manns mundu vinna við framkvæmdirnar. Þegar fyrsti áfangi fer í gang munu vinna þar um 60 manns.

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir