Húni II á leið frá Noregi

Húni II er nú á heimleið eftir að hafa tekið þátt í norrænu strandmenningarmóti í Noregi. Báturinn var á stími út Óslóarfjörð í gær þegar rætt var við Þorstein Pétursson, varaformann Hollvinasamtaka Húna II. Komið verður við í Færeyjum á heimleiðinni.

„Það tóku þátt yfir 300 bátar og nokkur þúsund manns komu í heimsókn,“ sagði Þorsteinn. Um er að ræða árlegt mót og byrjaði mótshaldið á Húsavík fyrir fjórum árum. Þetta var í fyrsta sinn sem íslenskum báti var siglt til útlanda til að taka þátt í mótinu.

Húni II flutti út trilluna Ríkey sem var smíðuð á Vatnsleysuströnd 1920 og var nýlega endurbyggð. „Það voru þarna tveir íslenskir bátar, lítill súðbyrðingur og stærsti plankabátur Íslendinga,“ sagði Þorsteinn.

Ríkey. Trillan er frá 1922 en var endurbyggð og fór með til Noregs. Ljósmynd/Hollvinasamtök Húna