Reykingar óbærilegar nágrönnum

Reykingar - Fjölmargir kvarta undan reykingum nágranna sinna.
Reykingar - Fjölmargir kvarta undan reykingum nágranna sinna.

„Dæmi eru um að hrikaleg tilvik um stórfelldar og tillitslausar reykingar á svölum íbúða verði óbærilegar fyrir nábýlisfólkið,“ segir Sigurður Helgi Guðjónsson, formaður Húseigendafélagsins, í samtali við mbl.is í dag. Félagið hefur fengið fjölmargar fyrirspurnir á borð til sín vegna óþæginda sem hljótast af reykingum á svölum nágranna, en í sumum tilfellum getur slíkt brotið í bága við lög og haft neikvæð áhrif á fasteignaverð.

Eigandi má gera það í sinni eign sem er venjulegt og eðlilegt, að sögn Sigurðar, en til að leggja mat á það verður að horfa til þess sem tíðarandinn telur við hæfi á hverjum tíma. „Reykingar eru á hröðu undanhaldi og reykingarfólk hefur víðast  hrökklast  út undir bert loft; út á svalir, tröppur, undir gafla og í skúmaskot, þar sem það hímir og  blótar á laun, flóttalegt og sakbitið,“ segir hann til að lýsa síbreyttu umhverfi reykingarfólks. 

Réttur til að reykja eða réttur til reykleysis?

Í ýktum tilvikum er húsfélagi rétt og skylt af sjálfsdáðum eða að kröfu þolenda að leggja bann við reykingum eða setja þeim takmarkanir. Ef reykingarfólkið lætur ekki segjast getur húsfélagið eða þolendur gripið til þeirra úrræða sem fjöleignarhúsalögin hafa að geyma og í grófum tilvikum krafist þess að viðkomandi flytji og selji íbúð sína, að sögn Sigurðar.

Það eru engin bein ákvæði í fjöleignarhúsalögunum um reykingar. Í þeim er almennt boðið að íbúar skuli gæta þess að valda sambýlisfólki sínu ekki óþarfa ama og óþægindum. Reykingar falla þar undir eins og aðrar mannlegar athafnir og ósiðir. Þegar reykingar og skorður við þeim eru skoðaðar verður að líta til þess yfirlýsta markmiðs tóbaksvarnarlaga að virða skuli þann rétt fólks að þurfa ekki að anda að sér lofti sem er mengað tóbaksreyk.

Tryggja að fólk verði ekki fyrir skaða

Bæði eru í gildi lög um tóbaksvarnir og eins reglugerð um takmarkanir á tóbaksreykingum. Þegar litið er á lögin þá kemur þar fram að virða skuli „rétt hvers manns til að þurfa ekki að anda að sér lofti sem er mengað tóbaksreyk af völdum annarra.“ Markmið laganna er að vernda fólk gegn áhrifum tóbaksreyks.

Í reglugerð um tóbaksreykingar kemur ennfremur fram að markmið hennar sé að tryggja að þeir sem ekki reykja verði ekki fyrir skaða og óþægindum af völdum tóbaksreyks.

Í 6. grein reglugerðarinnar segir að þar sem leyfðar eru reykingar utanhúss skuli þess gætt að tóbaksreykur berist ekki inn í húsnæði sem svæðið tilheyrir eða húsnæði annarra, hvort heldur er um dyr, glugga eða loftinntök.

Þá segir í 9. grein sömu reglugerðar að þess skuli gætt að tóbaksreykur berist ekki inn í vistarverur fólks í nærliggjandi húsnæði vegna fyrirkomulags loftræstingar, sbr. byggingarreglugerð og heilbrigðisreglugerð.

Af lögunum og reglugerðinni að dæma virðist sem réttur reyklausra íbúa í fjölbýlishúsi sé nokkuð skýr.

Eiga í vændum frekari úthýsingu

Hvað snertir reykingar á svölum, þá er ekki útilokað að húsfélag geti takmarkað þær með einhverjum almennum hætti en þó verður að hafa hugfast að svalir eru að sínu leyti í séreign og að vald og húsfélags til að setja reglur um hagnýtingu séreignar eru miklu þrengri en þegar um sameign er að tefla. Þá reynir á friðhelgi séreignaréttarins og það frelsi til hagnýtingar og athafna, sem í honum felst.

„En um svalareykingar og reykingar endranær gildir hið sama um þverrandi umburðarlyndi og vaxandi skorður á reykingarrétti,“ segir Sigurður. „Það er alveg ljóst að réttarþróunin og almenningsálitið stefna hraðbyri í átt að frekari þrengingum í garð reykingarmanna. Þar sem þeir áttu forðum góðar stundir og griðastaði eru þeir nú útlægir. Eiga þeir vísast í vændum frekari úthýsingu, harðindi og hremmingar.“

"Það er alveg ljóst að réttarþróunin og almenningsálitið stefna hraðbyri í átt að frekari þrengingum í garð reykingarmanna." AFP
mbl.is

Innlent »

Hópur fanga fastur í viðjum fíknar

10:11 Um helmingur fanga á Íslandi lýkur nú afplánun sinni á áfangaheimili Verndar í Reykjavík. Fangar geta verið þar í allt að tólf mánuði. Dæmi eru um að þeir biðji um að vera lengur. Engin önnur sambærileg úrræði eru nú í boði hér á landi. Meira »

Búast við allt að 30-35 m/s hviðum

10:08 Búast má við vindhviðum allt að 30 m/s á Kjalarnesi og undir Hafnarfjalli fram eftir degi í dag. Þá má búast við stormi eða roki og vindhviðum allt að 35 m/s á norðanverðu Snæfellsnesi og víðar á Norðvesturlandi fram eftir degi. Meira »

Meintur nauðgari áfram í haldi

09:34 Hæstiréttur hefur staðfest úrskurð Héraðsdóms Suðurlands um að maður, sem grunaður er um að hafa nauðgað tveimur konum á hóteli á Selfossi, skuli sæta áframhaldandi gæsluvarðhaldi til 12. apríl. Meira »

Atvinnuleysi í febrúar 3,2%

09:22 Atvinnuleysi í febrúar var 3,2% samkvæmt vinnumarkaðsrannsókn Hagstofu Íslands. Að jafnaði voru 199.300 manns á aldrinum 16–74 ára á vinnumarkaði þann mánuð, sem jafngildir 82,8% atvinnuþátttöku. Af þeim voru 192.900 starfandi og 6.500 án vinnu og í atvinnuleit. Meira »

Tilvalið að þróa hér líftæknilyf

08:08 Á Íslandi er tilvalið að þróa og framleiða líftæknilyf, meðal annars vegna þess að frumlyfjafyrirtækin hafa ekki sótt um einkaleyfi hér á landi. Meira »

Hlutfall Reykjavíkur lækkar

07:57 Hlutfall Reykvíkinga af íbúafjölda á höfuðborgarsvæðinu lækkaði tuttugasta árið í röð í fyrra. Hlutfallið var rúm 65% árið 1998 en var komið undir 57% um síðustu áramót. Meira »

Bílvelta við Flúðir

07:39 Bíll valt út af veginum við Flúðir um þrjúleytið í nótt. Einn var fluttur á slysadeild vegna mögulegra beinbrota.  Meira »

Fóru hringinn og kynntu Þýskaland

07:57 Þýskubíllinn svonefndi lauk níu daga hringferð í gær þegar bíllinn staðnæmdist við þýska sendiráðið á Íslandi.  Meira »

Hvassviðri og stormur næstu daga

07:28 Búast má við hvassviðri eða stormi á landinu næstu daga að því er fram kemur á vef Veðurstofunnar. Skiptast munu á sunnanátt með rigningu og hlýindum annars vegar og hins vegar svalari suðvestanátt með éljum eða skúrum. Meira »

Engar óeðlilegar afbókanir

07:17 Styrking krónunnar hefur enn sem komið er lítil sem engin áhrif haft á hótelbókanir hér á landi. Samkvæmt upplýsingum frá stærstu hótelkeðjum landsins lítur komandi sumar mjög vel út og næsta haust og vetur líka. Eitthvað er þó um afbókanir núna en ekkert sem telst vera óeðlilegt. Meira »

Stöðvuðu kannabisræktun í Þingahverfi

06:43 Lögregla á höfuðborgarsvæðinu stöðvaði fíkniefnaræktun í Þingahverfinu í Kópavoginum um sexleytið í gær. Um það bil 50 kannabisplöntur og áhöld sem nýtt voru til ræktunarinnar voru gerð upptæk í heimsókn lögreglu, sem einnig fann önnur fíkniefni á vettvangi. Meira »

Fylgi Bjartrar framtíðar og Viðreisnar hrynur

06:23 Hvorki Björt framtíð né Viðreisn næðu manni inn á þing ef kosið væri nú, samkvæmt nýrri skoðanakönnun Fréttablaðsins, Stöðvar 2 og Vísis, sem birt er í Fréttablaðinu í dag. Meira »

Geta greitt allt að 70 milljarða

05:30 Eigendur Arion banka geta á grundvelli endurskipulagningar á fjármagnsskipan bankans greitt allt að 70 milljarða króna út í formi arðs. Eiginfjárstaða bankans er mjög sterk um þessar mundir og nam ríflega 211 milljörðum um nýliðin áramót en eiginfjárhlutfallið stóð í 27,1%. Meira »

Köfurum í Silfru fer fækkandi

05:30 „Reynsla okkar af reglunum um Silfru er góð en þær eiga þó eftir að slípast til,“ segir Einar Á Sæmundssen, fræðslufulltrúi þjóðgarðsins á Þingvöllum. Meira »

Kosningaréttur skuli rýmkaður

05:30 Þingflokkur Viðreisnar lagði í gær fram lagafrumvarp um kosningarétt erlendra ríkisborgara til sveitarstjórna.  Meira »

Kanna tengsl mergæxla og stóriðju

05:30 Möguleiki er á því að stóriðja á Akranesi eigi þátt í því að fleiri greinist með mergæxli þar en annars staðar á landinu. Stóriðjan er meðal umhverfisþátta sem sérstaklega verða athugaðir í rannsókn Háskóla Íslands á mergæxlum sem Sigurður Yngvi Kristinsson, prófessor í blóðsjúkdómum, fer fyrir. Meira »

Aðgangsgjöld letja ekki ferðamenn

05:30 Ólafur Örn Haraldsson, þjóðgarðsvörður á Þingvöllum, segir aðgangsgjöld á Þingvöllum ekki hafa haft nein áhrif á fjölda ferðamanna. Meira »

Rekstraróvissa viðbúin að óbreyttu

05:30 Heiðar Ingi Svansson, framkvæmdastjóri bókaútgáfunnar Iðnú, segir að mikil óvissa sé um framtíð fyrirtækisins, verði breytingar ekki gerðar á fyrirkomulagi á útgáfu námsbóka fyrir grunn- og framhaldsskóla. Meira »
Ljosmyndari.is hefur opnað vefverslun
Höfum opnað vefverslun með ýmsar ljósmyndavörur. Svo sem flöss, töskur, filt...
SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
VW Golf 1,6 2000 station
VW Golf station árgerð 2000 til sölu. Lækkað verð: 250.000 kr, Sjálfskiptur. Ek...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
 
Aðalfundur
Fundir - mannfagnaðir
Aðalfundur Aðalfundur ...
Samkeppni um gerð listaverks
Tilkynningar
Samkeppni um gerð listaverks til að ...
Onvk-2017-07 hreinsun á inntakslóni
Tilboð - útboð
ONVK-2017-07/ 22.03.2017 Útboð Or...
Félagsstarf
Staður og stund
Aflagrandi 40 Opin vinnustofa kl 9. Morg...