Hótaði lögreglumönnum

Lögreglan þurfti að hafa afskipti af tveimur mönnum í miðborginni á sjötta tímanum í nótt vegna óláta þeirra. Þegar lögreglan færði annan þeirra í lögreglubíllinn æstist hinn allur upp og heimtaði að vera einnig handtekinn. Hann henti sér utan í bílinn og hótaði lögreglumönnunum að hann skildi ráðast á þá.

Í tilkynningu frá lögreglunni segir að ekki hafi annað verið hægt að en að verða við „ósk“ hans. Maðurinn var sem sagt handtekinn og færður á lögreglustöð, þar sem hann var vistaður í fangaklefa. Síðar fundust fíkniefni í fórum hans.

Lögreglan segir að maðurinn hafi jafnframt þverneitað að segja til nafns, þrátt fyrir að hafa óskað eftir handtökunni. Það mun bætast við ofangreind brot.

• Blogga um frétt