Bæjarráð Akureyrar samþykkti í dag 7,5 milljóna króna styrk til Menningarfélags Akureyrar í þeim tilgangi að tryggja samfellu í starfsemi Leikfélags Akureyrar. Erindi barst frá varaformanni stjórnar leikfélagsins þar sem óskað var eftir styrknum.
Áður hefur mbl.is sagt frá fjárhagsörðugleikum leikfélagsins. Stjórn Leikfélags Akureyrar sendi frá sér yfirlýsingu í apríl þar sem sagði að ekki væri hægt að halda úti starfsemi leikfélagsins nema til komi leiðrétting á opinberum framlögum. Þá var öllu starfsfólki leikhússins sagt upp í lok apríl.
Tillagan um að veita styrkinn var samþykkt með meirihluta atkvæða í bæjarráði í dag en einn fulltrúi sat hjá við afgreiðslu.
Sjá frétt mbl.is: Áfram starfsemi hjá LA
Sjá frétt mbl.is: Óásættanleg afturför fyrir menningarlífið