Vandinn er langmestur í Reykjavík

Eygló Harðardóttir, félags- og húsnæðismálaráðherra, segir nauðsynlegt að kortleggja þörfina á félagslegu húsnæði í stærstu sveitarfélögum landsins.

Vandinn er sýnu mestur í Reykjavík, en þar munu um þúsund manns vera á biðlista eftir félagslegu húsnæði, að því er fram kemur í samtali við Eglóu í Morgunblaðinu í dag.

„Það er algjörlega skýrt að það er skylda sveitarfélaganna að tryggja fólki félagslegt húsnæði,“ sagði ráðherra í samtali við Morgunblaðið. Ráðuneytið hefur óskað eftir svörum frá stærstu sveitarfélögunum um hver staðan er.