Segir dólgafemínisma ekki vinsælan

Eva Hauksdóttir
Eva Hauksdóttir Árni Sæberg
„Vondum skoðunum á að svara með rökum en ekki pólitískum ofsóknum,“ segir Eva Hauksdóttir, sem vakið hefur mikla athygli og umtal fyrir skelegg greinaskrif sín, sérstaklega gagnrýnin skrif um femínisma. Eva, sem er íslensku- og bókmenntafræðingur að mennt, býr nú í Glasgow, en hyggur á nám í lögfræði við Háskóla Íslands í haust.

Spurð hvort hún sé andstæðingur femínisma segir Eva stutt og laggott: „Já,“ og bætir við: „Femínismi er kynhyggja þar sem krafist er forréttinda fyrir annað kynið og hinu kyninu kennt nánast um allt sem miður fer í tilverunni. Mér finnst kvenhyggja ekkert skárri en karlhyggja. Þetta eru stefnur sem ganga út frá þeirri hugmynd að stríð ríki á milli kynjanna og eru ekki líklegar til að auka skilning og samhygð.“

Segir femínista hafa gott aðgengi að fjölmiðlum

Þegar hún byrjaði fyrst að skrifa um femínisma segist hún aðallega hafa verið að gagnrýna meðferð á gögnum þar sem gölluð tölfræði var notuð eða vísað í rannsóknir sem ekki sýndu það sem viðkomandi sagði. „Ég hélt um tíma að viðhorf mín til femínisma væru mjög óvinsæl en í dag held ég að sá dólgafemínismi sem hefur vaðið uppi á síðustu árum og áratugum sé alls ekki eins vinsæll og halda mætti af umfjöllunum. Femínistarnir hafa afar gott aðgengi að fjölmiðlum og töluvert mikil opinber völd, en almenningur er ekki eins hrifinn af þeim og ég hélt.“

Hún telur umræðuna í dag hafa opnast. „Þegar ég byrjaði að skrifa um femínisma voru margir, sérstaklega konur, sem höfðu samband við mig og sögðust vera sammála mér en ekki þora að segja það opinberlega. Þetta hefur breyst. Nú er fólk farið að taka hraustlega undir með mér og konur farnar að skrifa um svipaða hluti og ég hef gert.“

Hef ekki fengið marktæka gagnrýni frá femínistum

Hún segist ekki hafa fengið á sig marktæka gagnrýni frá femínistum. „Ég hef skrifað nokkrar greinar í Kvennablaðið þar sem ég gagnrýni kvenhyggju og femínistar hafa samband við ritstjórn, lýsa hneykslun sinni og krefjast þess að greinin verði fjarlægð. Þær fá alltaf sama svarið: Ykkur er velkomið að svara. En þær svara ekki. Ég fæ enga málefnalega gagnrýni, bara þöggunartilburði og fullyrðingar um að ég viti ekki hvað ég sé að segja, ég misskilji femínismann og sé með útúrsnúninga, án þess að nokkur geti útskýrt í hverju þeir útúrsnúningar eða misskilningur felist,“ segir hún.

„Ef maður fær gagnrýni sem byggir á rökum þá er hægt að nota hana til að fara lengra með umræðuna en rökvillur og skítkast er ekki eitthvað sem maður þarf að taka til sín. Ég hef reynt að halda uppi samræðu við femínista en það þýðir ekkert.“

Aðspurð hvort andstaða hennar við femínisma sé hluti af andstöðu hennar við pólitíska rétthugsun og forræðishyggju segir hún svo algjörlega vera. „Það sem fer mest fyrir brjóstið á mér er yfirvaldshyggjan sem gegnsýrir femínistahreyfinguna. Hugmyndin er sú að það eigi að berjast fyrir réttindum kvenna og betri heimi fyrir konur með því að taka fram fyrir hendurnar á fólki. Stóra systir á að ákveða hvað okkur sé fyrir bestu.“

„Ég hef ekki séð neitt gott koma út úr þessari óskaplegu fordæmingu á því að fólk hafi skoðanir sem falla ekki að fyrirfram ákveðnum gildum,“ segir hún. „Mér finnst til dæmis rasismi ömurlegur en það er fulllangt gengið þegar má ekki segja brandara um blökkumenn eða aðra hópa án þess að það sé flokkað sem hatursáróður. Það er líka mjög slæmt ef fólk má ekki tjá vondar skoðanir. Ég er algjörlega ósammála Snorra í Betel og finnst skoðanir hans á samkynhneigð viðbjóðslegar en mér finnst enn verra ef það á að banna fólki eins og honum að tjá skoðanir sínar. Vondum skoðunum á að svara með rökum en ekki pólitískum ofsóknum.“

Heftandi að þurfa blessun hópsins

Eva er óhrædd við að tjá skoðanir sínar og segir það heftandi að þurfa blessun hópsins.

„Ég hef aldrei lent í sérstökum vandræðum fyrir að hafa skoðanir sem víkja frá norminu. Hvað er það versta sem getur gerst ef þú segir skoðun þína? Jú, einhver getur rekið þessa skoðun ofan í þig – en um leið ertu búin að fá réttar upplýsingar og getur myndað þér nýja skoðun og haft rétt fyrir þér. Eða þá að einhver verður reiður við þig og hvað með það? Er þá búið að rústa lífi þínu? Á það að þykja gott að fólk sé ekki reitt við þig og haldi að þú hafir allt önnur viðhorf en þú hefur?“

„Það er kannski að einhverju leyti þægilegt að vera í ákveðnu liði en það hlýtur að vera heftandi að þurfa blessun hópsins til að þora að tjá sig og ég held líka að hjarðhugsun geri samfélaginu meira illt en gott,“ segir hún.

Ítarlegra viðtal má finna í sunnudagsblaði Morgunblaðsins.

Eva Hauksdóttir
Eva Hauksdóttir Árni Sæberg
Eva segir dólgafemínisma ekki eins vinsælan og halda mætti
Eva segir dólgafemínisma ekki eins vinsælan og halda mætti AFP

Innlent »

„Skilur af hverju hann var handtekinn“

17:17 Karlmaðurinn sem handtekinn var og úrskurðaður í gæsluvarðhald, grunaður um aðild að morðinu á Íslendingi í Stokkhólmi, heldur fram sakleysi sínu. Þetta segir lögmaður mannsins í samtali við sænska dagblaðið Expressen. Meira »

Hvattir til að deila íslensku efni

16:54 „Kæru notendur Deildu. Mig langar að biðja ykkur um að deila inn öllu íslensku efni sem þið mögulega getið. Allt sem þið finnið/eigið endilega setjið það inn á síðuna. Sýnið að við erum öll Pirates Yarr!“ Þannig hljóða skilaboð sem birt eru á áberandi stað efst á skráaskiptasíðunni Deildu.net. Meira »

121 tók þátt í Urriðavatnssundi

16:38 Alls tók 121 keppandi þátt í Urriðavatnssundi um helgina. Þar af voru 118 skráðir í Landvættasund, sem eru 2,5 kílómetrar. Alls luku 100 manns því sundi, eða 61 karl og 39 konur. Meira »

Fjórir háskólar hafa áhuga á lögreglunáminu

15:34 Fjórir háskólar sendu inn þátttökutilkynningu í auglýstu ferli Ríkiskaupa um lögreglunám á háskólastigi. Eru það Háskólinn á Bifröst, Háskólinn á Akureyri, Háskóli Íslands og Háskólinn í Reykjavík. Meira »

Sáu 580 seli

15:20 Í ár sáust alls 580 selir í selatalningunni miklu. Það er meira en síðustu tvö ár, en þó minna en árlegt meðaltal hefur gefið til kynna. Meira »

Fer á fullt í stjórnmálabaráttunni

14:54 „Við Íslendingar stöndum á miklum tímamótum eins og svo margar aðrar þjóðir. Ákvarðanir sem teknar verða á næstu misserum munu ráða úrslitum um hvernig samfélagið þróast til framtíðar,“ segir Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, í bréfi sem hann hefur sent flokksmönnum. Meira »

Lítill hópur ökumanna er í mikilli hættu

14:08 Þótt öryggisbeltin hafi fyrir löngu sannað ágæti sitt og flestir ökumenn noti þau er sá litli hópur ökumanna sem ekki notar öryggisbelti hlutfallslega sá vegfarendahópur sem er í mestri lífshættu. Þetta sýna slysatölur undanfarinna ára. Meira »

Píratar með 26,8% fylgi

14:48 Píratar mælast með 26,8% fylgi og Sjálfstæðisflokkurinn með 24% í nýjustu könnun MMR. Vinstri-græn mælast með 12,9% fylgi, borið saman við 18% í síðustu könnun. Viðreisn mælist með 9,4% fylgi. Stuðningur við ríkisstjórnina mældist 33,9%. Meira »

Lögreglan keyrði inn í hlið bíls

13:29 Lögreglan á Suðurnesjum stöðvaði bíl sem var á akstri í íbúðarhverfi við Kjarnabraut í Reykjanesbæ með því að keyra inn í hlið hans. Meira »

Spítalinn myndi „rústa“ heilbrigðiskerfinu

13:20 „Útlendingaspítalinn myndi því rústa því sem eftir er af íslensku heilbrigðiskerfi og gera endurreisn þess margfalt erfiðari en ella,“ skrifar Kári Stefánsson, forstjóri Íslenskrar erfðagreiningar, í pistli sem hann birti á Facebooksíðu sinni í dag. Meira »

Handtekinn fyrir morðið á Íslendingi

13:17 Lögreglan í Stokkhólmi í Svíþjóð hefur nú handtekið mann fyrir aðild að morðinu á íslenskum karlmanni í vesturhluta borgarinnar á mánudaginn í síðustu viku. Meira »

Óska skýringa frá Vegagerðinni

13:03 Ísak Ernir Kristinsson, einn stofnenda Facebook-hópsins Stopp, hingað og ekki lengra!, er ánægður með að Vegagerðin hafi lokað vinstri beygju af Hafnarvegi inn á Reykjanesbraut. Betur má þó ef duga skal að hans mati. Meira »

Langvinn barátta gegn Deildu.net

11:50 Tímamót virðast hafa átt sér stað í baráttu íslenskra höfundarréttarsamtaka gegn skráaskiptasíðunni Deildu.net en eins og mbl.is hefur fjallað um hafa samtökin lagt fram kæru á hendur einstaklingi sem þau telja að standi á bak við síðuna. Meira »

Telja sig hafa fundið höfuðpaurinn

09:40 „Við erum að kæra þann sem við grunum að standi á bak við Deildu.net. Síðan er það núna komið í hendur lögreglu að rannsaka það og í framhaldinu tekur ákæruvaldið ákvörðun um það hvort viðkomandi verður ákærður.“ Meira »

Sjúklingar fara ekki í sumarfrí

09:01 Blóðbankann vantar blóð í öllum blóðflokkum og biðlar til landsmanna að gefa blóð, hvort sem það er í Reykjavík eða á Akureyri. Í tilkynningu frá Blóðbankanum kemur fram að staðan nú eftir helgina sé ekki góð og að mikilvægt sé að blóðsöfnun gangi vel í þessari viku fyrir verslunarmannahelgina. Meira »

Innkalla skyrtertur

10:37 Matvælastofnun hefur fengið upplýsingar frá fyrirtækinu Mjólku að fundist hafa í gæðaeftirliti hjá fyrirtækinu örverumengun í skyrtertum. Meira »

Harður árekstur við Miklubraut

09:19 Einn var fluttur á slysadeild eftir harðan árekstur við gatnamót Grensásvegar og Miklubrautar rétt fyrir klukkan níu.   Meira »

Kæra stjórnanda Deildu.net

08:56 Kæra hefur verið lögð fram á hendur meintum stjórnanda skráaskiptasíðunnar Deildu.net af hálfu fjögurra íslenskra höfundarréttarfélaga. Meira »
70.fm tveggjaherbergja íbúð 140.þ á mánuði
Tveggjaherbergja íbúð í Áslandskverfi Hafnarfirði neðri hæð í parhúsi er til lei...
Viltu auka business þinn. Egat Nuddsteinar(Basalt) ásamt Steinapotti 39.000
Viltu auka business þinn.(Hot Stones) . Hlægilegt verð :Fallegir Nuddsteinar (Ba...
Silkifánasafn 1200stk til sölu gott verð
Safnarar athugið einstakt tækifæri ! Magnað fánasafn til sölu vegna flutninga ! ...
Rennibekkir 70 cm milli odda
Eigum til nokkra smárennibekki fyrir járn. Verð frá 280.000+vsk Sérpöntum allar...