Bjarni: Hanna Birna nýtur trausts

Bjarni Benediktsson
Bjarni Benediktsson mbl.is/Golli

Bjarni Benediktsson, formaður Sjálfstæðisflokksins, segir í samtali við mbl að allir ráðherrar í ríkisstjórn njóti trausts á meðan þeir sitja. „Það liggur í hlutarins eðli,“ segir hann. Annað álitamál sé hins vegar hvort ráðherra beri að víkja undir rannsókn máls.

Hann segir Hönnu Birnu Kristjánsdóttur innanríkisráðherra sitja með fullum stuðningi í ríkisstjórn líkt og aðrir ráðherrar og telur það fráleitt að þurfa að gefa út traustsyfirlýsingar í hverju skrefi málsins. 

Ráðherra rúinn trausti tekur pokann sinn  

Hann segist ekki ætla ekki að láta draga sig inn í eitthvert ferli þar sem í hvert sinn sem einhverjar upplýsingar séu gefnar eða einhver tjái sig, verði hringt í hann og spurt hvernig staðan sé á þeim degi. „Ráðherra sem situr er með fullt traust til þess að gegna sínu starfi. Ráðherra sem hefur glatað trausti tekur pokann sinn. Ég á mjög erfitt með að skilja kröfu um að reglulega sé verið að biðja mig um gefa út einhverjar traustsyfirlýsingar,“ segir hann.

„Það er allt annað álitamál hvort ráðherra eigi að sitja í ráðherrastól á meðan rannsókn fer fram og það er ekki spurning um traust, heldur spurning um það hvernig best sé tryggt að rannsókn málsins sé hafin yfir allan vafa og gangi eðlilega fram.“

Umræðan er áhyggjuefni

Bjarni segist hafa staðið með Hönnu Birnu í upphafi vegna þess að það væri einkennileg staða ef innanríkisráðherra þyrfti að víkja í hvert skipti sem kæra bærist. „Ég stóð með henni í því í upphafi en síðan hefur þetta mál gengið fram og það má vel vera að menn hafi misjafnar skoðanir á því hvernig dómsmálaráðherra bregðist best við í þessum aðstæðum en það hefur ekkert með traust að gera.“

Aðspurður hvernig málið horfi við í dag segir hann umræðuna vera áhyggjuefni. „Ég hef ekki enn séð ástæðu fyrir ráðherra til þess að stíga til hliðar. En mér er umhugað um að málið gangi þannig fram að engri rýrð verði varpað á rannsóknina sjálfa og þá niðurstöðu sem fæst. Í þessu tilliti er umræðan ein og sér alltaf ákveðið áhyggjuefni. Þetta er nokkuð sem ráðherra hefur þurft að meta sjálfur og ég ætla ekki að blanda mér í það mat.“

Telur ekki að hún hafi blandað sér í málið 

Hanna Birna sagði í bréfi sínu til umboðsmanns að hún hefði rætt rannsóknina við Stefán Eiríksson, fráfarandi lögreglustjóra, þótt hún tæki fyrir bein afskipti. Þar sagðist hún meðal annars hafa spurt hversu langan tíma rannsóknin myndi taka. Aðspurður hvort þetta væri eðlilegt segir Bjarni það vera fyrir öllu að ráðherrann greiði fyrir rannsókn málsins.

„Það er í sjálfu sér enginn annar mælikvarði til á samskipti undir rannsókn máls heldur en sá hvort þeir sem bera ábyrgð á rannsókninni hafi ekki frjálsar hendur og greiðan aðgang að öllum upplýsingum og gögnum sem máli skipta. Það er enginn annar mælikvarði til og miðað við það sem fram er komið tel ég ekki að ráðherrann hafi blandað sér í það mál.“

Spurður hvort hann sé sammála ummælum Hönnu Birnu um að málið sé „ljótur pólitískur leikur“ segir hann engum dyljast að mjög hafi verið sótt að ráðherranum en frekar vildi hann ekki tjá sig um það.

Hanna Birna Kristjánsdóttir innanríkisráðherra.
Hanna Birna Kristjánsdóttir innanríkisráðherra. mbl.is/Ómar
Tryggvi Gunnarsson, umboðsmaður Alþingis
Tryggvi Gunnarsson, umboðsmaður Alþingis mbl.is/Eggert Jóhannesson
mbl.is

Innlent »

Gripnir við veiðar í Skagafirði

22:18 Lögreglan á Norðurlandi vestra þurfti að hafa afskipti af tveimur skotveiðimönnum sem höfðu skotið nokkrar rjúpur í Skagafirði í morgun. Meira »

Verkfall eini kosturinn í stöðunni

20:53 Flugfreyjufélag Íslands hefur boðað til atkvæðisgreiðslu um vinnustöðvun hjá flugfélaginu Primera Air Nordic í því skyni að ná fram kjarasamningum við félagið. Þetta kemur fram í tölvupósti sem formaður FFÍ sendi á félagsmenn. Meira »

Með Sigur Rós í Disney Hall í LA

20:10 Sigur Rós lék ásamt Fílharmóníusveit Los Angeles á þrennum tónleikum í Disney Hall í Los Angeles fyrr í mánuðinum. mbl.is fylgdist með undirbúningi fyrstu tónleikanna 13. apríl og ræddi við strákana áður en þeir stigu á svið. Meira »

Óttast að verða send til Íraks

19:11 Sabre-fjölskyldan stendur frammi brottvísun úr landi og verður líklega send aftur til Íraks þar sem framtíð hennar er óljós. Þau höfðu verið á flótta í ár áður en þau komu til Íslands fyrir ári síðan til að sækja um hæli en á mánudag fengu þau skilaboð um að umsókn þeirra hefði verið hafnað. Meira »

Hundrað á baki í miðbænum

18:58 Í tilefni hestadaga hélt fjöldi knapa úr hestamannafélögum á höfuðborgarsvæðinu niður í miðbæ í dag til að taka þátt í skrúðreið. Þetta er í sjötta sinn sem Hestadagar eru haldnir og lýkur þeim á morgun á alþjóðlegum degi íslenska hestsins. Meira »

Stakk mann og lét millifæra milljón

18:28 Hæstiréttur hefur úrskurðað karlmann í áframhaldandi gæsluvarðhald til 24. maí en hann er grunaður um að hafa ógnað manni með hnífi til að millifæra á sig rúmlega 1 milljón króna. Meira »

Spá allt að 20 stiga hita

16:00 Loksins sér fyrir endann á þessari kuldatíð. Gert er ráð fyrir hlýindum í vikunni, allt að 20 stigum. Samfara þessu hlýja lofti má búast við leysingum vítt og breitt um landið. Meira »

Annar kajakræðarinn látinn

16:31 Annar kajakræðarinn sem lenti í sjónum við Þjórsárósa í gær er látinn.   Meira »

Vísbending um viðbrögð við genginu

14:32 Ferðamönnum, sem komu til landsins í febrúar, fjölgaði um 44% samkvæmt tölum Ferðamálastofu, en á sama tíma fjölgaði heildargistinóttum á hótelum ekki nema um 17% samkvæmt tölum Hagstofunnar. Meira »

Skapa listaverk með augunum

13:24 Klettaskóli í Reykjavík hefur innleitt augnstýribúnað fyrir nemendur sem af einhverjum ástæðum tjá sig ekki með orðum. Fram kemur í fréttatilkynningu að tíu nemendur í skólanum séu nú að læra að stjórna tölvumús með augunum. Meira »

„Þetta getur haft alvarlegar afleiðingar“

12:25 „Neikvæðni eykst, ímynd og orðspor versnar. Þetta er leiðin sem stjórnvöld vilja fara,“ sagði Helga Árnadóttir, framkvæmdastjóri Samtaka ferðaþjónustunnar, í Silfrinu í Ríkisútvarpinu í dag. Hún og Benedikt Jóhannesson fjármálaráðherra tókust þar á um áformaðar breyt­ing­ar á virðis­auka­skatti á ferðaþjón­ustu. Meira »

Var orðinn kaldur og þrekaður

12:04 Tvær þyrlur Landhelgisgæslunnar björguðu hvor sínum kajakræðara úr Þjórsárósum í gærkvöldi en annar þeirra var þá orðinn kaldur og þrekaður. Þrátt fyrir erfiðar aðstæður, slæmt veður og talsverða ölduhæð, fundust kajakræðararnir fljótlega í sjónum. Miklu þótti skipta að tvær þyrlur skyldu hafa verið til taks. Meira »

Íslendingar, hjólið meira!

11:00 Bosse Hedberg, sendiherra Svíþjóðar á Íslandi, hélt uppteknum hætti eftir að hann kom hingað fyrir fjórum árum og hjólar í vinnuna á morgnana; rétt eins og hann gerði í Stokkhólmi, Strassborg og Sarajevo, þar sem hann bjó áður og starfaði. Meira »

Ákvæðið um þjóðaratkvæði fallið úr gildi

09:45 Heimild sem sett var inn í stjórnarskrá lýðveldisins fyrir þingkosningarnar 2013 til bráðabirgða, þar sem gert er ráð fyrir að hægt verði að breyta stjórnarskránni í krafti þjóðaratkvæðagreiðslu, er fallin úr gildi en heimildin rann út á miðnætti. Meira »

Vatn flæddi um öll gólf

07:48 Tilkynning barst um vatnsleka í íbúð í fjölbýlishúsi í Hafnarfirði skömmu fyrir klukkan ellefu í gærkvöld. Vatn hafði lekið úr þvottavél og flætt um öll gólf íbúðarinnar sem er um eitt hundrað fermetrar samkvæmt upplýsingum frá slökkviliði höfuðborgarsvæðisins. Meira »

Útskúfun ekknanna

10:21 Konurnar á ekknaheimilinu Varanasi Durga Ashram láta vel af sér. Þar fá rúmlega tuttugu aldraðar ekkjur víðsvegar að úr Indlandi húsaskjól, mat og þjónustu prests. Þó að þær séu lánsamari en ekkjurnar sem þurfa að lifa á betli eða vændi í fátækrahverfum þessarar helgu borgar hindúa á bakka Ganges-fljóts hafa þær átt erfiða ævi. Meira »

Tvær þyrlur skiptu sköpum

08:43 Tvær þyrlur Landhelgisgæslunnar tóku þátt í björgunaraðgerðum við ósa Þjórsár í gærkvöldi þar sem leitað var að tveimur kajakræðurum eins og mbl.is hefur fjallað um og er það mat lögreglumanna sem voru á staðnum að það hafi skipt sköpum í björgunaraðgerðunum. Meira »

Hlýnandi veður á næstunni

07:34 Vegir eru að mestu auðir um allt land samkvæmt upplýsingum frá Vegagerðinni. Þó er hálka á Fróðárheiði, Dynjandis- og Hrafnseyrarheiði en hálkublettir á Fjarðarheiði og Mjóafjarðarheiði. Meira »
Til sölu 4stk dekk 275/65x18r
Til sölu 4stk Goodyear Wrangler 275/65x18r dekk undan Mitsubishi Pajero. Góð...
Fágæt tímarit til sölu, Birtingur, Jökull, Líf og list o.fl.
til sölu nokkur fágæt tímarit, Jökull, tímarit jöklarannsóknarfélagsins 1-47 á...
KRISTALL LJÓSAKRÓNUR
Glæsilegar kristalsljósakrónur í falleg heimili. Handskornar kristalsljósakrónu...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
 
Framhald
Nauðungarsala
Uppboð Einnig birt á www.naudungarsolu...
Hádegisfundur
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
AÐALFUNDUR HÚSEIGENDAFÉLAGSINS Aðalf...