Fjölbreyttur matur í klaustrum fyrri alda

Mataræði í íslenskum klaustrum á öldum áður hefur verið til rannsóknar undanfarið á vegum Matís og Þjóðminjasafnsins, en vísbendingar um það leynast í brotum leirkera frá Skriðuklaustri og Kirkjubæjarklaustri.

Fyrstu niðurstöður benda til þess að mataræðið hafi verið býsna fjölbreytt hjá nunnum og munkum.

Í umfjöllun um mál þetta í Morgunblaðinu í dag kemur fram, að vísbendingar fundust um neyslu á fiski, kjöti af spendýrum og einnig um hnetur, fræ eða ber.