Vesturbæjarlaugin er lokuð vegna framkvæmda.
Sundlauginni var lokað í dag og munu framkvæmdirnar standa yfir þar til á föstudaginn 21. ágúst þegar laugin verður opnuð að nýju. Þetta kemur fram á vefnum sundlaugar.is.
Í framkvæmdunum á að mála gömlu potta laugarinnar, tæma og þrífa sundlaugina og fjarlægja ruslagám á lóðinni. Þá verða útiklefar lagaðir og færðir í fyrra horf að nýju ásamt því að klórkerfi laugarinnar verður endurnýtt að hluta.