„Við höfum ekki haft undan að vísa fólki af bílastæði hjúkrunarheimilisins,“ segir Anna Birna Jensdóttir, hjúkrunarforstjóri Sóltúns í Reykjavík.
Að hennar sögn hafa starfsmenn fyrirtækja í grennd við hjúkrunarheimilið verið iðnir við að leggja bifreiðum sínum við Sóltún 2 er þeir koma til vinnu á morgnana.
„Þetta er mjög óheppilegt fyrir okkur. Fólk áttar sig greinilega ekki á því að Sóltún er sjúkrahús og hingað koma ættingjar þeirra sem hér búa,“ segir hún og bendir á að nokkur hundruð manns sæki Sóltún heim á degi hverjum.