„Það er svolítið annað þegar heimamenn standa að svona verki. Það fær meiri meðbyr,“ segir Þorfinnur Þórarinsson, bóndi á Spóastöðum og forystumaður í Landgræðslufélagi Biskupstungna, um uppgræðslustarf félagsins.
Landgræðslufélagið hefur grætt upp rofabörð og örfoka sanda á Biskupstungnaafrétti, að því er fram kemur í Morgunblaðinu í dag.
Umhverfisráðherra, Sigurður Ingi Jóhannsson, veitti landgræðsluverðlaun 2014, við athöfn í félagsheimilinu Aratungu í gær. Verðlaunin eru veitt einstaklingum, félagasamtökum og skólum sem unnið hafa að landgræðslu og landbótum. Verðlaunahafarnir í ár eru Eiríkur Jónsson, bóndi í Gýgjarhólskoti og Stóru-Vogaskóli í Vogum, auk Þorfinns Þórarinssonar á Spóastöðum.